Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
We are not traitors, says ex-youth chief |  Labourer accused of stealing RM400 had throat slit |  Promising start for Sabah junior shuttlers |  Peter is new Safa Supremo |  Potihombuson sunduvan guminavo pogun – Shafie |  KD Mahawangsa TLDM pinongimbayat Tadau Poingukab Mawilla 2 |  LHDN Sabah nokopouhu RM7.5 maya’ PKPS gisom ko 10tw Kohopod |  Attaining certain qualities critically needed for youth to face educational challenges |  DoubleVerify provides fraud filtering solution for advertisers globally |  MITI, MIDA, Intel hold IoT forum to review progress |  Pelajar Universiti hilang langgar pantang larang di Sabah |  Ewon: Lebih RM1.8j dividen dibayar 774 peserta Ladang PPRT Tongod |  Program pemutihan PATI tidak akan dilakukan kerap, kata Mohd Azis |  Masyarakat manfaat Hari Kapal Terbuka di MAWILLA |  Kes kematian pekerja ladang, polis giat kesan suspek | 
 Kadazan Dusun

TEKUN NAKAPANAAK PAGAHASAN HOBI RM5 BILION: BAHAROM

17th April, 2018

Di MARRYAN RAZAN

KOTA KINABALU: Tozibut Ikonomi Kumpulan Usaha Niaga Nasional (TEKUN) minanaak kapanakadazan pongindopuan kuminaa 405.513 tuhun mongindapu miampai hoogo RM5.06 bilion id pototongkop pogun, mantad po tinuidong ontok toun 1998.

Potunud Kotoinaan om Huguan Upisol Eksekutif Tekun Nasional Datuk Baharom Embi minoboos, polinta mazaa Tekun Nasional pinopohuzung sakadai pambalazan pongindopuan montok monuhung tinimungan mongindapu toniini montok monimpuun om popoinsavat pongindopuan di kivaa no haid.

Minoboos isido, mantad po ponuidangan gisom Vuhan Kotohu nakatahib, 703 siri Seminar Koponimpunan Pongindopuan Tekun Nasional tinoodo popoompit kiginumu 178,289 mongindapu id pototongkop pogun.

“Pongkimamaan diti kopitanud miampai angkab om hizab ponuidangan Tekun Nasional id suang popotounda kapanakadazan mikro miampai kotoinaan sokodung kotundaan pongindopuan.

“Mazaa pongkimamaan diti, ino kaanu monuhung mongindapu popoinsavat pongindopuan, tangangazan om ningkokoton ikonomi dioho,” ka disido.

Minoboos isido dino kopiondot kopomoiganan Seminar Asas Keusahawanan Negeri Sabah i pinoimagon di Montili Kalaja Polinta Kinoizonon om Pomuhominan Datuk Hajiji Mohd Noor, id Dewan Sri Sulaman Tuaran, di Tadau Minggu.

Kokomoi pambalazan mahik noohos, minoboos i Baharom montok mongintong kapambalazan di pinohuzung kumaa mongindapu aanu momuu mahik, Tekun Nasional minaganu pongkimamaan monoimo ponginaman pougadan kumaa digital miampai popotounda aplikasi mudah alih Tekun Pay i hobi pointantu miampai au tagal usin, aiso kalatas om hobi poinguhud montok kouhanan mongindapu.

Ka disido, mongindapu Tekun Nasional mantad pogun diti nopo nga momoguno di togumu pinoposuang om monoodo pambalazan mahik momoguno aplikasi Tekun Pay.

Minoboos isido, aplikasi mudah alih Tekun Pay i pinobuu do Tekun Nasional nakahantoi minomuu kuang hobi RM638,443.07 pinopoompit 2,728 transaksi mantad po nokolijisto id Google Play om App Store mantad po Vuhan Kotuu toun nakatahib.

“Mantad ginumu dino, mongindapu Tekun Nasional mantad pogun Sabah nopo nga i togumu pinoposuang aplikasi Tekun Pay ino nopo nga 495 tuhun miampai ginumu transaksi pambalazan mahik kiginumu RM118,951.72.

“Sinusuut pogun Johor (384) miampai ginumu transaksi RM83,381.38 om Selangor (234) miampai ginumu transaksi RM52,372.55,” ka disido.

Minoboos isido, mongindapu nga kaanu momoguno aplikasi dino montok mongintong kopoihaan akaun pambalazan om monoodo mahik pambalazan id lahan suang talian.

“Ino hobi praktikal om ouhan. Mazaa aplikasi diti nogi mongindapu Tekun Nasional kaanu monoodo pambalazan momoguno internet banking mazaa bank i momoguno Financial Process Exchange (FPX),” ka disido. Seminar dino naampazat kuang hobi 500 mongindapu posoihi Kota Kinabalu montok koonuan kopoihaan kavavagu kokomoi Tekun Nasional.

   
Email Print
   
 
 
E-browse