Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pelajar antara ditangkap kerana dadah |  Yayasan Tzu Chi perlu RM1.7j untuk bina bangunan Pusat Hemodialisis |  Gagal perjuangkan MA63 menerusi Umno, BN sebab keluar parti: Anifah |  Sabah divers a class above the rest |  Andre smashes triple jump record |  Notorius siblings arrested for multi break-ins |  27 Vietnamese fishermen charged |  Form 4 student among 22 druggies caught |  World Wellness Weekend 2018 at Suria Sabah this weekend |  Unduk Ngadau om Ratu Fesyen Sinakagon Baung |  Kouangan duvo kapal monoizuk TLDM, papantod panamangan pitakasan kohisaon |  SPRM papahabus nuzudan kopomoiganan harta buuan polinta kotimpuun ko 1 Vuhan Koopod |  Extra RM10m boost for YSG education fund |  43,565 to sit for UPSR examination |  Free CPR training on Sept 23 at Imago | 
 Kadazan Dusun

Murut niayuk inanian ra hak maganda’ intor ru parinta

16th April, 2018

TENOM…. ONSOI! TENOMONSOI! TENOMONSOI! Arati’ nano iono Tonom Moonsoi!, Tonom Moonsoi!, Tonom Moonsoi!

KOSON panalimpuunan ucapan ru Mangindangan Perdana Mantiri’ ie Datuk Seri Dr. Ahmad Zahid Hamidi ra saang ru masailan poyo mopor ngaribu ngaulun mamagun nasuangan Tonom tayar ru pangiantakan Orou Kalimaran pagun soor ra padang naukab kakadaian Tonom babagu ti.

“Aun Kabar Ramuyun? Arati’ nano atan tanou min?

Igondo’ poyo ie Ahmad Zahid nagindagu ra ragu ru Murut

“Wah! Moonsoi kakaga’ tingganai karuo ru pamagunan takau mindagu ralalom ragu ru Murut. Koson nakainggaar ra guang ru ngai’ nasuangan ru kamurutan paat ragili,” kono ru sangulun matutuo ondo’ minigor nangkirongog ra ucapan paat ragili.

Koson ru mamatik-mamatik kapoam wartawan ti masalok mampalio kapoam mangkuliman ra atan kulaan respond kapoam pamaguangan ru mamagun nasuangan paat ragili, nga sangulun tingganai pulitik am tingganai pamagunan takau musiti’ no minggaar ra mamagun nasuangan.

Sumugut ra ragu ie Ahmad Zahid Hamidi, ngangai’ pasisimpungan etnik giti ra Sabah, Sarawak am orang asli soor ra Semenanjung musiti’ no aniin ra hak nantuku’ am maganda’ intor ru parinta.

“Ngangai’ etnik ondo’ mokoondo’ ra pamagunan takati koson ra Kadazan, Dusun, Murut kapoam Iban iono maganda’.

“Pamulanuan am Pangamparan musiti’ no taakin tayar ru ngai’ etnik ragitio ondo’ mokoondo’ nilai kaulayan ra masawat kakaga’ musiti’ no urumaton am talimoon.

“Guang mamanggo ralalom ngai’ etnik musiti’ no soroi ritakau nga kabalu’ pana ra mokoondo’ mansalinut pansusuaian koson ra ugama’ bansa’ am ragu kaa’ itakau ti mamagun nasuangan ru Sabah am Malaysia ondo’ rayus manungka’ ra Barisan Nasional (BN) ondo’ ra buoi ti mangindangan am maggalung ngai’ mamagun nasuangan ondo’ mansalinut kaintapatan ugama’ am kaulayan nakainuui noyo ru trek rekod BN ra buoi ti,” kono.

Minaya’ ra inatangan ragitio iono andu’ ri Ahmad Zahid, Datin Seri Hamidah Khamis, Mangindangan Tingganai Mantiri’ Sabah ie Tan Sri Joseph Pairin Kitingan ondo’ nanampilon ra Tingganai Mantiri’ Sabah ie Tan Sri Musa Aman, Presiden Persatuan Murut Sabah (PMS) ie Datuk Rubin Balang, Mantiri’ Panambuluyan, Kaulayan am Alam Sekitar pagun, ie Datuk Masidi Manjun, Mantiri’ Pampasingkatan Lisar Bandar Sabah ie Datuk Radin Malleh am tingganai mamagun Murut Tonom ie Datuk Raime Unggi.

Liliwa’ raginio, Zahid niayuk nampasuku’ ra ucapan/ragu pangamparan tayar ru lulumigo’ kaulayan Murut ondo’ nakasugut ra kamanangan lulumigo’ soor ra antarabangsa babagu ti, Ahmad Zahid niayuk nangkimait ra ngai’ etnik ru bokon koson rayus manungka’ am mampaulig poyo pamagunan takati soor ra lisar ru pamagunan takau maya’ ra atan ayuk inatangan am pagigilayan.

“Gumogot niayuk itakau koson etnik ra bokon mampaulig ra kaandaran nilono koson makasuku’ ra peringkat antarabangsa nga gitio rondo’ kaimanggaan takau ondo’ musiti’ no rayusin tungkuson,” kono poyo.

Ragu nano, amon ra galing ie bansa’ ru Murut mokoondo’ sangulun kalawon mauligan kakaga’ iono ie Ontoros Antanom, ondo’ urumaton kakaga’ nga makaguang io ra mapirot am maikang ralalom mopogondo’ ra guang ngai’ kamurutan am mapangol manaung am magalung ra bayag ru kamurutan ti mulu’ poyo soor ra Tonom.

“Ginio ra galing ie, kaa’ raino ti bo, itakau mokoondo’ kukula’ noyo ngaulun kalawon Murut ioginio ie Rubin, Radin am Raime am kukula’ poyo tingganai ra bokon.

   
Email Print
   
 
 
E-browse