Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
We are not traitors, says ex-youth chief |  Labourer accused of stealing RM400 had throat slit |  Promising start for Sabah junior shuttlers |  Peter is new Safa Supremo |  Potihombuson sunduvan guminavo pogun – Shafie |  KD Mahawangsa TLDM pinongimbayat Tadau Poingukab Mawilla 2 |  LHDN Sabah nokopouhu RM7.5 maya’ PKPS gisom ko 10tw Kohopod |  Attaining certain qualities critically needed for youth to face educational challenges |  DoubleVerify provides fraud filtering solution for advertisers globally |  MITI, MIDA, Intel hold IoT forum to review progress |  Pelajar Universiti hilang langgar pantang larang di Sabah |  Ewon: Lebih RM1.8j dividen dibayar 774 peserta Ladang PPRT Tongod |  Program pemutihan PATI tidak akan dilakukan kerap, kata Mohd Azis |  Masyarakat manfaat Hari Kapal Terbuka di MAWILLA |  Kes kematian pekerja ladang, polis giat kesan suspek | 
 Kadazan Dusun

Murut niayuk inanian ra hak maganda’ intor ru parinta

16th April, 2018

TENOM…. ONSOI! TENOMONSOI! TENOMONSOI! Arati’ nano iono Tonom Moonsoi!, Tonom Moonsoi!, Tonom Moonsoi!

KOSON panalimpuunan ucapan ru Mangindangan Perdana Mantiri’ ie Datuk Seri Dr. Ahmad Zahid Hamidi ra saang ru masailan poyo mopor ngaribu ngaulun mamagun nasuangan Tonom tayar ru pangiantakan Orou Kalimaran pagun soor ra padang naukab kakadaian Tonom babagu ti.

“Aun Kabar Ramuyun? Arati’ nano atan tanou min?

Igondo’ poyo ie Ahmad Zahid nagindagu ra ragu ru Murut

“Wah! Moonsoi kakaga’ tingganai karuo ru pamagunan takau mindagu ralalom ragu ru Murut. Koson nakainggaar ra guang ru ngai’ nasuangan ru kamurutan paat ragili,” kono ru sangulun matutuo ondo’ minigor nangkirongog ra ucapan paat ragili.

Koson ru mamatik-mamatik kapoam wartawan ti masalok mampalio kapoam mangkuliman ra atan kulaan respond kapoam pamaguangan ru mamagun nasuangan paat ragili, nga sangulun tingganai pulitik am tingganai pamagunan takau musiti’ no minggaar ra mamagun nasuangan.

Sumugut ra ragu ie Ahmad Zahid Hamidi, ngangai’ pasisimpungan etnik giti ra Sabah, Sarawak am orang asli soor ra Semenanjung musiti’ no aniin ra hak nantuku’ am maganda’ intor ru parinta.

“Ngangai’ etnik ondo’ mokoondo’ ra pamagunan takati koson ra Kadazan, Dusun, Murut kapoam Iban iono maganda’.

“Pamulanuan am Pangamparan musiti’ no taakin tayar ru ngai’ etnik ragitio ondo’ mokoondo’ nilai kaulayan ra masawat kakaga’ musiti’ no urumaton am talimoon.

“Guang mamanggo ralalom ngai’ etnik musiti’ no soroi ritakau nga kabalu’ pana ra mokoondo’ mansalinut pansusuaian koson ra ugama’ bansa’ am ragu kaa’ itakau ti mamagun nasuangan ru Sabah am Malaysia ondo’ rayus manungka’ ra Barisan Nasional (BN) ondo’ ra buoi ti mangindangan am maggalung ngai’ mamagun nasuangan ondo’ mansalinut kaintapatan ugama’ am kaulayan nakainuui noyo ru trek rekod BN ra buoi ti,” kono.

Minaya’ ra inatangan ragitio iono andu’ ri Ahmad Zahid, Datin Seri Hamidah Khamis, Mangindangan Tingganai Mantiri’ Sabah ie Tan Sri Joseph Pairin Kitingan ondo’ nanampilon ra Tingganai Mantiri’ Sabah ie Tan Sri Musa Aman, Presiden Persatuan Murut Sabah (PMS) ie Datuk Rubin Balang, Mantiri’ Panambuluyan, Kaulayan am Alam Sekitar pagun, ie Datuk Masidi Manjun, Mantiri’ Pampasingkatan Lisar Bandar Sabah ie Datuk Radin Malleh am tingganai mamagun Murut Tonom ie Datuk Raime Unggi.

Liliwa’ raginio, Zahid niayuk nampasuku’ ra ucapan/ragu pangamparan tayar ru lulumigo’ kaulayan Murut ondo’ nakasugut ra kamanangan lulumigo’ soor ra antarabangsa babagu ti, Ahmad Zahid niayuk nangkimait ra ngai’ etnik ru bokon koson rayus manungka’ am mampaulig poyo pamagunan takati soor ra lisar ru pamagunan takau maya’ ra atan ayuk inatangan am pagigilayan.

“Gumogot niayuk itakau koson etnik ra bokon mampaulig ra kaandaran nilono koson makasuku’ ra peringkat antarabangsa nga gitio rondo’ kaimanggaan takau ondo’ musiti’ no rayusin tungkuson,” kono poyo.

Ragu nano, amon ra galing ie bansa’ ru Murut mokoondo’ sangulun kalawon mauligan kakaga’ iono ie Ontoros Antanom, ondo’ urumaton kakaga’ nga makaguang io ra mapirot am maikang ralalom mopogondo’ ra guang ngai’ kamurutan am mapangol manaung am magalung ra bayag ru kamurutan ti mulu’ poyo soor ra Tonom.

“Ginio ra galing ie, kaa’ raino ti bo, itakau mokoondo’ kukula’ noyo ngaulun kalawon Murut ioginio ie Rubin, Radin am Raime am kukula’ poyo tingganai ra bokon.

   
Email Print
   
 
 
E-browse