|
16th October, 2008
KOTA KINABALU: Kopiondo do Exspo Sompomogunan Sabah (SIE) 2008, iso tinimungan hahasanon mantad Cebu, Phillipines do pinapaanjul kotombuhuzan pamantangan kuminaa doid di Montili Kotundaan Pomounan pogun Sabah, i Datuk Dr Ewon Ebin id upis disido id Hinominon Hongkod Pidagangan Sabah, id Likas, do doiti.
Id kinotombuhuzan nokomoi, kikaandakan o tinimungan diho i binuuan di Governer Uvang nokomoi, i Gwendolyn F. Garcia montok papaanjul pionitan pisokodungan duvo pohudon id piahatan do uvang nokomoi miampai do Sabah id mogisusuvai kaganaan pomounan miaga do kotombuhuzan om panadaan, hobi no do kakamot suang hamin.
Magahap nogi i Gwendolyn do hahansanon mantad Sabah do tumindapou om mumpazat kapanaandakan kinouhitan do Kakadazan Tagazo Cebu do toun tiiso.
Id kinotombuhuzan nokomoi, pinopokito do gambal video doid duuduvo boogizan (Cebu om Sabah) kokomoi kahansanan toi potensi ngaavi pomounan di aanu pobuuon songovian, hobi no doid pomounan kotombuhuzan om panadaan.
Potindapou nogi doid kinaantakan nokomoi i Huguan Upisol Eksikutif KKIP, i Datuk Chong Hon Len, Potunud Koupisan Kotundaan Pomounan om Ponoizukan, i Patrick Tan om upisol ngaavi mantad Komontilian Kotundaan Pomounan.
|
