Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
We are not traitors, says ex-youth chief |  Labourer accused of stealing RM400 had throat slit |  Promising start for Sabah junior shuttlers |  Peter is new Safa Supremo |  Potihombuson sunduvan guminavo pogun – Shafie |  KD Mahawangsa TLDM pinongimbayat Tadau Poingukab Mawilla 2 |  LHDN Sabah nokopouhu RM7.5 maya’ PKPS gisom ko 10tw Kohopod |  Attaining certain qualities critically needed for youth to face educational challenges |  DoubleVerify provides fraud filtering solution for advertisers globally |  MITI, MIDA, Intel hold IoT forum to review progress |  Pelajar Universiti hilang langgar pantang larang di Sabah |  Ewon: Lebih RM1.8j dividen dibayar 774 peserta Ladang PPRT Tongod |  Program pemutihan PATI tidak akan dilakukan kerap, kata Mohd Azis |  Masyarakat manfaat Hari Kapal Terbuka di MAWILLA |  Kes kematian pekerja ladang, polis giat kesan suspek | 
 Kadazan Dusun

SJKC Chung Hwa Tenghilan pinopoikid ‘kad dermathon’ montok kopotundaan sikul

130318adv-lps140318

14th March, 2018

KOTA KINABALU: Komitikuasa’ Tabung Kopotundaan montok koponuridongan linimput wagu Sikul Ponit Kabansaan Sina’ (SJKC) Chung Hwa Tenghilan pinopoikid do kad ‘dermathon’ diolo’ di songkoniihab diti id iso’ ababayan pinoindalan doid songinan restoran nointutunan do hiti di tadau Koiso’ katatalib.

Kad dilo’ i kiginumu’ do 10,000 kaping koinsanai pinoikid kumaa di tongo’ molohingon mongiingia’ om mongongobi’ sikul Sina’ id poliliput Zon Kota Kinabalu montok tuduan kopomuhuan rukut mantad kinoiyonon sompoopori.

Ababayan kopoikidan kad dermathon nopo nga’ nosili noubasanan do tongo’ sikul Sina’ ngaawi’ kosuul no id pogun diti ponokotanda’ kopogiuhup-uhupan loolobi no montok koonuan kousinan id kopoindalanan nunu nopo ababayan sikul.

Pinopoimpuun do kad dermathon dilo’ i Luguan Siktor Monorina’ Sikul Ponit Kabansan Sina’, Koupisan Palajaran Pogun Sabah i Tham Yun Fook, lumansan kinopoindalanan kad dermathon dilo’ i kumoinsan nogi’ pohoroo’ do SJKC Chung Hwa Tenghilan kalantoi om koponigampot di tintob opuhu i pinatantu’, RM500,000.

Potilombus dino pinointalang disio do SJKC Chung Hwa Tenghilan nopo nga’ sikul labus kakadayan i pasanganu lobi 90 pihatus susumikul mamasok om momoguno kopio do kosokodungan id kopotundaan kaampai no kopomongohan linimput wagu i koposimbayan di koinsanai puru sikul.

Naamot i Ponorikohon komitikuasa’ dilo’ i po nogi’ Ponorikohon Kotinanan Mononorina’ Sikul (LPS) SJKC Chung Hwa Tenghilan i Johnson Wong Teck Tshung id booboroson disio pinopoilo do bohogian disio momoguno lobi RM1.5 riong montok kopomongohan linimput wagu i babaino’ diti notingkadan mantad no do amu’ kogonop kousinan.

Kohondot dilo’ minongunsikou isio kinorikotan koinsanai mongongobi’ sikul Sina’ id ababayan nokomoi i kopokito sokodung diolo’ montok sikul di nokomoi.

Kopomuhuan do kad dilo’ koindalan gisom koompokon wulan diti.

Nokotindapou po nogi’ id ababayan dilo’ i Molohingon Mongiingia’ SJKC Chung Hwa Tenghilan Yap Wing Foh, puru LPS SJKC Chung Hwa Tenghilan om puru komitikuasa’.-LP

   
Email Print
   
 
 
E-browse