Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Juniors deliver full points |  PBS pinopoimagon mingkakat id suang PRK Sandakan |  Karnival Boos Kadazandusun ontok ko 2 Vuhan Kohimo |  Lawatan Penandaarasan KPKP SMK Takis Papar ke SMK Arshad, K-Belud |  MTDC plans to open I4.0 hub in Sabah |  Digi posts lower net profit of RM341.5 mln |  English Language programme empowers rural women to help kids in their studies |  'Hinava' kompilasi terbaharu lagu-lagu Kadazan |  Pemuliharaan ekosistem marin Taman Laut perlu diperkasa |  MTDC rancang buka pusat usahawan berteras IR4.0 di Sabah |  Perkhidmatan feri bawa pelancong Tawau-Semporna bakal beroperasi |  KDCA Keningau anjur Pesta Kaamatan 27 hingga 28 April |  Karnival bahasa Kadazandusun 2 Mei ini di Kota Belud |  DBKK atur pelbagai program sempena Pesta Kaamatan bandaraya |  2,000 'sambulayang' dipasang sepanjang 20 kilometer sempena sambutan Pesta Regatta Lepa | 
 Kadazan Dusun

Tudon talun alun tagazo Pan Borneo mogovit kosimpodon ikonomi Sabah: Sapawi

9th January, 2018

SIPITANG: Tudon Talun alun Tagazo Pan Borneo, kotumbazaan adadi ponokodung koiso do koinsavaton kotundaan ikonomi do pogun Sabah diti, i insan insan kopogovit dimensi kavavagu kopoposizon do layat id timpu tanau’.

Minoboos i Puu Parlimen Sipitang, Datuk Sapawi Ahmad do iti nopo nga sabap kapanadaan tudon infrastruktur tagazo diho koponimban landskap kobuuon om nogi kokitanai do pogun Sabah songian opongo poimponu iho do tiinu.

Ka disido, kotundaan infrastruktur nonuan kopoguhuanan do kopolintaan id siibo pomuu’anan di Huguan Montili Datuk Seri Najib Tun Razak, nointahang do miampai kapanadaan tudon injin riil toi ‘kereta api’ toidau KL-Singapore om KL-Disan Kohisaon Semenanjung om nogi tudon Pan-Borneo id Sabah om Sarawak.

Mantad diho, kogumuan do layat Sabah pointahang do ounsikou om mada do oduanan montok sangavian mampai momiumon koumatan diti,” ka disido di ontok Abaabazan ‘Mesra Bersama Komuniti Tudon Talun alun Tagazo Pan-Borneo id Balai Raya Kampung Pantai, doiti di tadau Koonom nakatahib.

Tudon Pan Borneo boogizan Sindumin-Malalia kisinodu 28.5 kilometer diho pisosoomo opongo ontok 2020. Kopogompit iho do 18 kilometer popoingkavas vinasi lahan, 10 kilometer lahan kavavagu om nogi apat pibootukan milouting om apat sunsuzon kavavagu.

Ontok di ko 18 vuhan Koopod om Iso nakatahib, pinoimagon di Najib, o pakej koonom tudon talun alun tagazo Pan Borneo boogizan Putatan-Inanam i kigatang RM900 lizong. Himo pakej nokopoguhu i kigatang RM1.7 bilion, minamadadi soginumu RM2.6 bilion do pinavasa.

Miampai sangavian, RM12.86 bilion pinoobi montok ponoodo Talun alun Pan Borneo id Sabah, kitinaviu 706 kilometer, miampai 35 pakej do savi avi, om pisosoomo opongo id suang timpu himo toun.

Sapawi, isido ponogi i Huguan UMNO Boogizan Sipitang, minoboos do tudon Talun alun Tagazo Pan Borneo, nookunan do kopogovit vas tagazo kumaa Sabah om Sarawak, hobi no do Sipitang i sabaagi pakej koiso om vazaan sumuang kumaa id pogun Sabah diti.

“Sabaagi uvang mivohit do Merapok, Lawas, uvang Sipitang nopo nga sabaagi vazaan koiso sumuan id pogun diti, insan insan kopopulokis do ekonomi do doiti i kapaangkub mogisuusuvai aspek, kaampai no kotombuhuzan om pomutanaman.

“Opusou tokou do tudon Pan Borneo diti sabaagi impoon kosimpodon kotundaan do Sipitang, suvai ko mantad tudon Samur, id uvang pomounan Sogip om nogi apat ko himo po vagu tudon i tundaon do doiho,” ka disido.

Tumanud disido, babaino diti, oginsi kopolintaan Risda nga popobuu nogi pananaman gata, naamot do Felcra monunda do pomutanaman piasau mamau, om baino diti popobuu do pomugompizan tantadan maza do kopolitif. Ahansan isido do popopobuu ngaavi paa tantadan do maganu kosivatan om hivang id nomboo o kopolitif Paa Tantadan Sipitang do kivaa lot tantadan hobi 3,000 lumun.

Ontok ponogi diho ka disido, Sipitang i nointutunan miampai taakanon sate miapai linoso poinhohobi nga nadadi nogi gondoon do tutumombuhui kinoizonon om habus. Universiti Malaysia Sabah (UMS) nga pinapapanau nogi ponoihian kokomoi dino id pimpaagatan mondunda do produk taakanon sate om nogi tindalam ngaavi tradisional sabaagi ngaan do Sipitang.

Minoboos i Sapawi do kobuuon tudon Pan Borneo gisom baino diti avasi ponoimaan do layat i au mimang oduanan id ahal kotundaan.

Mantad diho, nazou om tinoimo disido o pinggisoman do boogizan popopobuu tudon do pinapaanjul abaabazan Mesra Bersama Komuniti tu iho nopo nga popoinsomok po vagu do Pan Borneo miampai do mogiigizon posoihi.

Potindapou nogi id abaabazan diho i Upisol Uvang Sipitang, Matlin Dullah, Monijol ATudon BHP Sindumin i Yusdi Kadir, Eksekutif Totuo do BHP Sindumin i Kahsari Samat om Huguan UMNO Zon Pantai i Jaini Puasa. –Di DZUK KASSIM

   
Email Print
   
 
 
E-browse