Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
61 students graduate from Ascot Academy’s programmes |  Mamonde opens first store in Sabah |  Promotion hopes take hard knock |  Luguan adat pokionuon monilombus kotorinaan |  Kapangalapan mooi tanud pialaan sipoot koubasanan id KDCA |  POLINTA POGUN OTUMBAZAAN PAN BORNEO SABAH POTIHOMBUSON |  Mouth-watering Ramadan buffet at Mercure |  Mayor – Tanjung Aru Eco project shelved |  ‘35 of 72 bags seized, 26 currencies worth RM114 mil in cash seized’ |  Reflect voices of the people, media urged |  Govt’s ability to pay 1MDB debts will give assurance to markets |  Pesta Kaamatan landasan yang baik dedahkan kesenian dan kebudayaan Bumiputera Sabah |  Kerajaan pertimbang bantuan Aidilfitri untuk penjawat awam |  Tegur lewat datang kerja motif pemotong rumput ditikam |  CGC peruntuk RM4.9 bilion pembiayaan usahawan | 
 Kadazan Dusun

Sabah pinapavasa kapaapuvan mantad habus soginumu hobi RM400 lizong

8th December, 2017

Di MARRYAN RAZAN

KOTA KINABALU: Tuminihombus o Sabah do mamagazat kopomo’uangan kapaapuvan miampai pinapavasa kapaapuvan habus soginumu hobi RM400 lizong di sapalu koison toun diti, sundung tu id posoihi do ikonomi global di au atantu.

Minoboos i Potunud Eksekutif, Pamalanan Strategik (doun kilang), Kotinanan Kotundaan Kapaapuvan Malaysia (MIDA), Zabidi Mahbar, do iho nopo nga id mogisuusuvai kaganaan kaampai no doun hutil om kotombuhuzan, tudon panaakan vinakas om ponoduhian om nogi kaganaan doun kilang.

Minoboos isido do ekosistom di komprehensif nadadi pamagazat mahid, dadi kumaa do papapaapu montok papaapu id pogun diti.

“Mantad diho, tumihombus o kopolintaan papaanjul pinggisoman misompuu montok monokodung papapaapu habus pogun papapanau pongindapuan dioho id pomogunan Malaysia diti,” ka disido.

Noboos disido iti di ontok pinopohombus pason pinopoimagon do Seminar Kapaapuvan Domestik Kohisaon Malaysia, id Pasifik Sutera Harbour, doiti di koniab.

Minoboos i Zabidi do gisom di vuhan Koopod om Duvo toun nakatahib, soginumu 757 tudon doun kilang miampai kapaapuvan kigatang TM19.7 milion pinapanau id Sabah i nakapanaak kounalan mantad ahal pakalajaan kumaa hobi 91,000 tuhun layat pogun diti.

“Vookon komponi nointutunan di potoina id Sabah nopo nga kaampai no Petronas Chemicals Fertilizer (urea ammonia & granular), Sabah Foresst Industries (pulpa & kalatas), Sunlight Inno Seafood (gipang pinokodou), Genting Biodiesel (biodiesel) om Mewah Datu (panasan tumau mamau),” ka disido.

Ka vagu disido, songian o tudon Talun alun Tagazo Pan Borneo kitinaviu 2,083 kilometer do opongo, koposikap kosunizon ikonomi do layat Sabah om Sarawak.

“Songian opongo iho do tiinu, Talun alun Tagazo Pan Borneo pisosoomo adadi tuontud padsakazan dei Sabah om Sarawak, insan insan mongukab do koridor ikonomi di kopongunsub hobi ginumu papapaapu, papaapu id kohisaon Malaysia hobi no id kaganaan tumau om gas, panadaan, pamavaahan, panadaan taakanon, kakamot suang hamin, kotombuhuzan om pomutanaman,” ka disido.

Suvai diho ka disido, id timpu baino diti, kopolintaan miampai agresif papapanau mogisuusuvai pimpaagatan manakadai do mumumpazat ngaavi pomounan id kobuzuan Revolusi Perindustrian Kaapa (Industri 4.0) maza pomogunaan automasi om Perkilangan Pintar.

Sabaagi popopobuu Pomounan 4.0, Komontilian Pidagangan Sompomogunan om Pomounan, miampai MIDA, minonoodo strategi om papapanau ponoizukan kogompit Industri 4.0.

“Dokumen diho pisosoomo opongo minduduuk suku koiso toun 2018,” ka disido.

   
Email Print
   
 
 
E-browse