Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

IPD Kunak nakaanu minonguhan 40.45 piatus kiis, ka di Ramli

7th December, 2017

KUNAK: Pesuruhjaya Pulis Sabah Datuk Ramli Din minoboos Hongkod Upis Pulis Uvang (IPD) Kunak nakahantoi minonguhan 40.45 piatus kiis ino nopo nga 36 mantad 89 kiis kahasaan tavagat tosiou om halata i nosuat poompus timpu Vuhan Koiso toun diti gisom songkoniab.

“Pulis Kunak nakahantoi minonguhan dino kaampai no 12 kiis sumuang hamin songkoniab, 11 kiis manakau, duvo kiis manambana, om iso kiis magaau kisandata,” ka disido.

Tumanud disido, ontok toun diti IPD Kunak nga nakahantoi minamadi napatai songuhun di natandasan tuhun tosiou tumahib pivohitan kikotumbazaan momuuan tinimungan manazang montok usin pamaganti (KFR), Vuhan Kosizam nakatahib om songuhun dudumagang dadah nogi id suang toun diti.

Minoboos isido pulis kontinjen Sabah hobi otuhid id suang momunso abaabazan kahasaan tavagat dadah id pogun diti.

Ka disido, haang tosiou gunoon kaampai no monoodo kalaja dadah potitikid tadau miampai mogisusuvai ponugkuan miampai pamagakaman todoon id lahan pointantu.

“Mongintong kumaa koinsavatan kiis dadah id Sabah, monoodo tokou aiso tadau nung aiso operasi dadah.

Kogompitan id suang abaabazan dadah nogi vookon kivaa kolerasi i manakadai kumaa kiis sumuang hamin om manakau,” ka disido kuminaa magaganu abal kahapas suminasi kapataakan kalaja piahatan Huguan Pulis Uvang Kunak i kavavagu, Supt Baharin Md Tahid miampai ASP Wee Devets Tan.

Baharin poguhui diti nopo nga upisol mananud kumaa Kumoduvo Huguan Montili Datuk Seri Dr Ahmad Zahid Hamidi om nakakalaja miampai pulis mantad po toun 1984. Bernama

   
Email Print
   
 
 
E-browse