Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Biggest ever Sabah contingent for Sukma |  Straight fight for Safa presidency |  Man sought for spearing wife |  Wildlife unit’s swift actions save jumbo |  Man tries political ties to get druggie sons off |  Stand-up comedian Harith Iskander to perform at SHAREDA Nite |  Bangkok-KK route will boost state's tourism |  KPJ Healthcare records RM44.6 mln Q2 net profit |  CIDB urges industry to adopt QLASSIC |  Polinta moguhud misokodung miampai Indonesia monoodo talun-alun tagazo |  Komulakan kusai natagak nokito poinhabu id tenggara Pulou Timbun Mata |  Podtuhudan potihombus Bangkok- Kota Kinabalu kopoinsavat kotombuhuzan |  25 pelajar Universiti Wuyi China sertai Kursus Kejuruteraan di UMS |  Cuba lepaskan anak ditahan AADK, ayah guna nama parti |  APMM Semporna rampas minyak petrol | 
 Kadazan Dusun

10 kadai pongindapuan nonuan kopoingatan mantad KPDNKK Lahad Datu

7th December, 2017

Di MARLINA MACPEE

LAHAD DATU: Soginumu 10 kadai pongindapuan id posoihi Pasal Ginumuan, do doiti nonuan do Komontilian Pidagangan Suang Pogun, Kopolitif om Kopomogunaan (KPDNKK) laan Lahad Datu, do kopoingatan binuzu do au nakaanu pinopokito gatang id bakaang di pinokito montok pobohizon.

Minoboos i Huguan Upisol Papavakas Kuasa KPDNKK Uvang Lahad Datu, Rino Hisham Abu Bakar, do pinahabus o kopoingatan diho di kahapas o boogizan dioho nokokito do kivaa mongingindapu di kakaal mada om au tumanud etika pongindapuan di pinatatap do komontilian nokomoi.

“Mongingindapu ngaavi posoovon mooi do manamong etika ontok mongindapu miaga do popovihiu tanda gatang miampai atahang id bakaan di dagangon, kakamot ponimbang di koontok om nogi nokoimagon om kivaa lisin montok papadagang kuampo tamangan gatang miaga do gula, tumau pagansak om tapung gandum (GMT),” ka disido ontok tuubungodi di koniab.

Di koniab, iso kalaja misompuu (OB) do ESSCOM i numpazat do upisol ngaavi kopokuasaan mantad KPDNKK om nogi Kounsol Uvang Lahad Datu, om Koupisan Imigresen Malaysia laan Lahad Datu, miampai sinakadai do Tinimungan Gerakan Am om nogi Tinimungan Susumangod Malaysia (ATM), i pinaanjul id posoihi do Pasal Tagazo Lahad Datu.

Tumanud di Rino, pongumbanganan do kalaja ontok diho nopo nga montok managkom dudumagang VCD pinanakau minongutip, kopokuasaan tanda gatang om kakamot ponimbang om nogi sogku kogompit papadagang tumau pagansak id pakit 1 kilogram i kobohi gatang miaga tomoimo.

Ka disido, id kalaja di pinapanau i tuminimpuun mantad jaam ko 9 doungosuang gisom jaam ko 11.15 doungosuab diho, sogunumu 70 kadai do pinolisa, poingkuo po, id asil pinoihian, kivaa no 10 kadai di nonuan kopoingatan tu au nakaanu pinopvihiu tanda gatang miampai atahang id bakaang di pobohizon, ka di Rino.

Naamot diho ka disido, id po’ompus kalaja ponoihian diho, nokotoimo nogi o boogizan disido do sogku mantad momoomoguno kogompit pomoguhi usin noohu pomohi hobi no do 5 sen om manaak guugula sabaagi pongohon do noohu nokomoi.

“Mimang do aiso kopoobian miaga diho, dadi ahansan tokou do mooi o mongingindapu ngaavi au maganu kosivatan kumaa do momoomoguno,” ka disido.

Mantad diho ka disido, papapanau o boogizan dioho do kopokuasaan bestari montok popoimbuhai kopipiumanan do mongingindapu kokomoi kounalan do mongindapu miampai kivaa etika id sampaping umivad papadagang bakaan tamangan gatang miampai katahib gatang di pinatantu.

   
Email Print
   
 
 
E-browse