Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Ruth Gidion luahkan tangisan dalam lagu |  Sambutan ulang tahun ke-60 SMK Tawau hari ini |  Persidangan Antarabangsa Sains Marin dan Akuakultur (ICOMSA) 2018 |  Perubatan Tradisional dan Komplementari anjur taklimat percuma |  Masyarakat perlu lebih peka bantu perangi gejala penyalahgunaan dadah |  Dua masih hilang bot dinaiki karam di Sungai Besar Kalabakan |  MPS, Sabah Green Development kerjasama tingkat penambahbaikan fasiliti di lokasi pelancongan |  Pelajar bertempiaran bila dua blok bangunan SK Sentosa musnah |  Explosive Borneo Derby on the cards |  Over 80 kick boxers fighting for honours |  Jevinton wins Chairman Cup, RM20,000 prize money |  Sabah ready to make presence felt |  PMBS once again to hold state-level Pesta Gambus |  Helicopter Academy – No aircraft booked for elections |  MMEA helicopter pilots first batch to graduate from Academy | 
 Kadazan Dusun

Aiso 'brexit' montok Sabah, kada uhito ahal 'novunos'

7th December, 2017

KUALA LUMPUR: Umno Sabah au toomod popohogos noonombo boogizan kuminam ‘brexit’ (humabus) pogun id siibo ibut dino miampai sologan ‘Sabah for Sabahan’ i touvi no dino kopomiumbak Sabah sondii.

Huguan Komuhakan UMNO Tenom Jamawi Jaafar minoboos iti saasabap no do ontok nopo Sabah minonuidong vookon mantad Malaysia 54 toun di nakatahib. Kobontugan pogun diti najamin no id siibo Pidondian Malaysia 1963.

Mantad dino, ka disido, aiso kogunaan pogun di kivaa hobi 35 tinau dino montok humabus mantad Malaysia, saasabap nopo kivaa iso tinimungan misosonguhun om boogizan di nakatantu i kuminam popogompit mogisusuvai ahal nakahaid om oboos do ‘novunos’ do kogumuan layat Sabah.

“Ontok diti pointantu no do au tokou aanu mogohim nokoimbuhai koohungan om totondos id lahan tohoomi om atahang i oviton tinimungan nakatantu montok poposindak kababazat kumaa polinta Hongkod, saasabp no dino mositi punsoon tumanud undang-undang tu koohungan dino kaanu mamanau hobi inidau miampai kotuhungan internet,” ka disido kuminaa Bernama id doiti di koniab.

Brexit mongintong kumaa haang layat Britain humabus mantad Koisaan Eropah (EU) mazaa kotontuan pomuuvan suala miampai pomumusoou do nung minsosondi, ikonomi Britain hobi apantod om aadang.

Totuvong koniab, Kumoduvo Huguan Montili Datuk Seri Dr Ahmad Zahid Hamidi id suang pason kopomoiganan kototohu tahad UMNO, manaak kopoingatan kumaa puak ngaavi nakatantu id pogun dino i kuminam dumadi mogohundaat om mogimbazat montok papahabus Sabah om Sarawak mantad Malaysia.

Minoboos i Ahmad Zahid pogimbazatan miaga dino kavasa ukumon miampai ukum di tavagat om izioho au akapa do undang-undang.

Jamawi i nogi Huguan Kointahangan Tinimungan Komuhakan UMNO Malaysia minoboos vookon ahal ‘novunos’ i saasau pogompiton nopo nga royalty tumau montok Sabah miampai asil pogun di oviton humabus mantad pogun diti, kaaka dino gunoon montok popobuu Semenanjung.

Huguan Koonduan UMNO Sepanggar Datuk Jainab Ayid minoboos layat Sabah mositi maganu pomitanan mantad koposizon etnik Rohingya i asansagan dumadi ouzazang om pataamon mantad pogun sondii.

“Sundung tu konteks dino misuvai nga au apatut layat Sabah nga au adadi nouzazang songian kahabus mantad pogun diti,” ka disido.

Jainab i nogi Puu Exco Koonduan UMNO Malaysia minoboos Sabah id siibo kopomuanan polinta Barisan Nasional om UMNO osodu nodii hobi vinasi om nakaanu kobuuon infrastruktur id suang timpu di toniibo.

Nogi ka disido, Huguan Montili Datuk Seri Najib Tun Razak om Ahmad Zahid nopo nga duvo buuan kopoguhu pogun i au insan popohogos Sabah om Sarawak hoohobi po vagu hak duuduvo pogun dino i nokosuang no id suang perlembagaan pogun.

Kopiaga miampai boos disido nopo nga Huguan Koonduan UMNO Sabah Datuk Armani Mahirudin i miaga tangangazan do haang papahabus Sabah mantad Malaysia sabaagi ‘ponginaman dumuso om kalaja tuhun muhau”.

“Nung humabus (mantad Malaysia), au po koikot sanjam toi sangadau, Sabah pointantu no do oumbak,” ka disido om minoboos, UMNO Sabah pointatap do papataan pogun dino om mindau padang pakalaja montok layat miampai au monnutul tinau. Bernama

   
Email Print
   
 
 
E-browse