Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

Ingkawasan pinggisoman monoibau dadah id Tawau

Polis-1__9_
RUMINAMIT KARAJA’ .... I Andi (wanan) ruminamit do karaja’ KBSJN Tawau mantad di Izwan om poingintong i Nor Azizul (tanga’).

6th December, 2017

Di NAZRINI BADARUN

TAWAU: Pagarason o koponoriukan montok monoibau kopomusalaan dadah padarapas piwolitan i momoguno do watas diti sabaagi tuumbaya’an, ka di Luguan Bohogian Ponoriukan Kopomusalaan Narkotik (KBSJN) Tawau i Andi Ma’mur Halwati.

Tumanud disio, asil kointalangan i ogumu’ naanu nokopokito watas diti i misampaping do pogun sombol Indonesia saasaru’ silihon koiyonon tuumbaya’on kopongidaran dadah pogulu owiton lumabus.

“Kalansananku sabaagi luguan di wagu do kopoinggirot tokou do koponoriukan kointalangan montok manalob om potilombus dino mongingkuri’ kopongidaran dadah padarapas piwolitan.

“Miagal di noilaan tokou, watas Tawau diti misampaping do pomogunan Indonesia, mantad dilo’ ogumu’ kointalangan naramit tokou do haro kinopolobusan dadah mantad Sabah kumaa pomogunan nokomoi,” ka disio.

Minoboros isio dilo’ soira’ pinokianu manahak booboroson katalib ababayan Piniromitan Karaja’ Luguan BSJN mantad di Insp. Izwan Abdol Rahman doid Pisuk Mitingan Longkod Upis Pulis Watas (IPD) Tawau, konihab.

Ka disio, laang mongingkawas kopomogombitan tongo’ pongindar dadah id sahau Seksyen 3(1) Langkah-Langkah Pencegahan Khas 1985 nga’ maan nogi’ poindalano’ montok monoibau do kobolingkahangan nokomoi.

Ka di Andi, suai ko ilo’, karaja’ di poingulud poindalanon montok manalob kapadagangan dadah id dalan.

“Posuulon tokou nogi’ o kopomogombitan panagih dadah miguuguli’ mooi do adawa id sahau Seksyen 39© Akta Dadah Berbahaya (ADB) 1952,” ka disio kawagu.

Naamot dilo’ i Kumoduo Luguan Pulis Watas Supt. Nor Azizulkifli Mansor id nokotindapou doid ababayan nokomoi mimang di toinsanan unit om puru popoindalan tonggungan poinponu’ kopomodulianan montok mamagampot angkab ‘Tawau Sejahtera’.

“Mimang tokou monigampot angkab poposili watas diti sabaagi watas ounsikou om momunso do kopomusalaan dadah nopo nga’ iso’ ahal i kiguno pinggiigisoman,” ka disio.

   
Email Print
   
 
 
E-browse