Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

SONGUHUN PUU ‘TWO BROTHERS’ MASO OSUVON

061217-ramli_din
Ramli

6th December, 2017

KOTA KINABALU: Tinimungan koumohigan Malaysia om Filipin, maso magasu songuhun po vagu puu tinimungan Remy, toi nointutunan sabaagi do Two Brother, iho nopo nga tinimungan mananzang montok usin ponobus (KFR) i opulokis papapanau kahasaan kadaapas pivohitan id kavaigan, pomogunan Malaysia diti, ka di Guluan Pulis Sabah Datuk Ramli Din.

Minoboos isido do iso tinimungan Two Brothers i miampai puu 11 tuhun, apaagat kozo om nokoimang kahasaan togumu kadaapaas pivohitan id kavaigan pomogunan diti di ontok 2014 gisom kohimpupuson 2015.

“Apat puu tinimungan nokomoi naanu minamatai minamadi do tinimungan koumohigan FIlipin, naamot songuhun po vagu napatai binadi do tinimungan koumohigan Malaysia id kavaigan Silam, Lahad Datu, di songkoniab.

“Limo po vagu puu do tinimungan nokomoi naanu tinaan do tinimungan koumohigan Filipin om songuhun po vagu kakaal poingidu,” ka disido.

Noboos disido iti kuminaa doid monunuat abal di kahapas pinopoimagon Abaabazan Pinonutuban Inisiatif “Have Ex-Policeman Serve A Neighorhood Safety Leaders,” doid di koniab.

Id komi kotihombusan, minoboos i Ramli do kopoihaan di notoimo pinopoboos do natantaman i maso osuvon diho baino doiho id koibutan Filipin om tomoimo mintongkop minsuang id kavaigan pomogunan Malaysia diti.

“Otumbazaan zikoi do i natantaman nokomoi miniamung miampai tinimungan KFR do suvai om minhahasu sabaagi monginginsada,” ka disido.

Naamot diho, minongomi kokomoi abaabazan nokomoi, minoboos i Ramli do pinggisoman di papanaon id siibo Strategi Lautan Biru Kebangsaan (NBOS) diho nopo nga kituduvan montok popionit pisokodungan om mamadadi do nokopinsin ngaavu pulis sabaagi “mato om tohingo do boogizan pulis” id hivang kinoizonon dioho montok manakadai do boogizan pulis om tuhun ginumuan mangantob om manahob kahasaan.

“Mangatag zikoi do mooi o nokopinsin pulis do lijistol sabaagi Puu Volunteer Smartphone Patrol (VSP) montok popouhan dioho popobuzu kopoihaan miampai osikap miampai lahan poposuang kopoihaan, gambal, video om kinoizonon kinaantakan kumaa boogizan pulis,” ka disido. -Bernama

   
Email Print
   
 
 
E-browse