Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

RM180,000 poruntukan koporintaan Pisompuruan montok tolu gereja id Ranau

051217aranau__1_
I REV. FR MICHAEL (gibang) ruminamit toluod pinotunui di Ewon id koobian do Gereja St. Pius Bundu Tuhan.

5th December, 2017

RANAU: Tolu gereja doid watas diti nakaramit poruntukan RM180,000 mantad koporintaan Pisompuruan i pinotunui di Puru Parlimen Ranau Datuk Dr Ewon Ebin doid tolu ababayan sopisuai.

Ilo’ nopo nga’ gereja Katolik St. Pius Bundu Tuhan kapaampai toluod RM50,000 i gunoon montok pomonsoi linimput pongoput sinaasawat poingukab, gereja Sidang Injil Borneo (SIB) Kampung Paus (RM80,000) montok pomongo linimput gereja i pogulu diti pinogitatabangan do eklisia om RM50,000 nopo nga’ montok gereja Katolik St. Victor Kampung Bongkud.

Id booboroson toniiba’ doid kinapatahakan toluod dilo’ ka di Ewon, koinsanai poruntukan nokomoi naanu soira’ ruminuba’ isio di Luguan Montiri Datuk Seri Najib Tun Razaka di kaawagu diti kokomoi di upalai do gereja id poliliput watas Ranau.

Pinopoilo isio do piipiro upalai suai di tongo’ gereja do hiti noowit no disio kumaa koporintaan om lumansan do koinsanai upalai dilo’ osimbar id timpu toruhai diti.

Ka disio, mogiigiyon Kristian nokoundar kinonosipan sabab pasanganu songulun Luguan Montiri i nokoumbal poinsikul id sikul Mission om karati di nunu i gunoon do gereja.

Naamot dino i Bundu Tuhan, i Paado Paroki Rev. Fr. Michael Modoit minongunsikou kumaa koporintaan i nakasaga’ minanahak toluod nokomoi i gunoon kopio montok kopotundaan gereja om eklisia.

Pinointalang disio do sabaagi kotinanan ugama’ i aiso’ tadon do kousinan montok kopotundaan gereja om toinsanan eklisia id lobi 30 austasi, agayo kopio rati do poruntukan i naramit dilo’.

Pinopolombus nogi’ isio kounsikohan dau sabab watas diti pasanganu Puru Parlimen i iso’ ugama’ miagal di Ewon i toririmo minggisom mogihum kousinan montok kopotundaan do gereja.

Di maso doid Kampung Paus, piipiro puru kounsol gereja pinopoindalan po nogi’ do kinapambarakatan kuminaa dio’ Ewon om sinawaan i Datin Danna Ontol om kolominan id kopoindalanan toinsanan tonggungan diolo’ loolobi no montok koundaran toinsanan.

Naamot, id Gereja St. Victor Bongkud, i Ponorikohon Komiti Umat Katolik (KUK) Cosmas Subil id booboroson disio minongunsikou om minongomi do toluod dilo’ sabaagi ponginsianan mantad Tuhan montok diolo’ do hilo’ om lumansan do pinggisaman di Ewon toririmo wanadan do kinorohingan.

Nokotindapou po nogi’ di ababayan ngaawi’ dilo’ i Upisor Poinbida’ Parlimen Japirin Sahadi om i Monunurat Parlimen Dallius Ubin.-Di JIMMY AKAU

   
Email Print
   
 
 
E-browse