Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

Atlet SAGA mongobi' Sipitang kaanu tutungkap nung kalantoi midol amas

051217asapawi__1_
OKITO io' Sapawi dii Ahmad, Matlin, Dzulkifli om i Nordin miampai bondira' SAGA Sipitang guminambar miamapi atlet ngaawi'.

5th December, 2017

Di AHMAD APONG

SIPITANG: Mogiigiyon id Parlimen Sipitang toririmo manahak sokodung om sunduan ‘Sipitang Boleh’ nogi’ lumansan do kalantaion di atlet SAGA (Sipoot Sabah) Sipitang montok mogowit muli’ midol amas id Sipoot SAGA VII i koindalan doid Sandakan.

I Puru Parlimen Sipitang Datuk Sapawi Ahmad minoboros dilo’ id kinopongunsikohan di atlet SAGA Sipitang pakaya’an doid SAGA Sandakan, pinaharo doid Lintuhun Ogumu’guno Sipitang di tadau Minggu’ katatalib.

Minanahak pongunsuban dilo’, ka disio nombo-nombo atlet om tiim Sipitang i kalantoi do midol amas id SAGA Sandakan VII pointonod ko 9tw om ko 15tw Kohopod om Duo diti, karamit do tutungkap id nunu nopo ababayan ponongkialaan.

Ilo’ nopo nga’ RM10,000 montok tiim om RM3,000 montok minsoosongulun, naamot dino i Puru Lintuhun Koundangan Pogun (Adun) Sindumin Datuk Ahmad Bujang nopo nga’ manahak do RM5,000 montok tiim om RM1,000 montok atlet sosongulun.

Pinopolombus nogi’ i Sapawi kotumbayaan disio do atlet SAGA Sipitang kalantoi do midol amas, kokito di kotumbayaan tongo’ mononorina’ sundung pia do tolu no midol amas di pinatatap ilo’ nopo nga’ silat, pentaque om ragbi.

Soginumu’ do 215 atlet kaampai mononorina’ tinimungan rinamai doid ababayan dilo’. Id ababayan dilo’, i Sapawi i po nogi’ Potunud Yayasan Sabah pinapahabar po nogi’ do sakadai notimung kiginumu’ do RM66,500 hinombo do RM30,000 mantad disio sondiri’ om RM35,000 pinotoluod di piipiro komponi korporat om minsosongulun montok kontinjen SAGA Sipitang.

Id timpu di miagal, pinapatahak isio toluod RM100 montok tikid atlet, RM200 montok moomoluda’ om mononorina’, naamot RM300 songulun kumaa mononorina’ sipoot.

Nokotindapou p ongoi’ i Monorina’ Kontinjen SAGA Sipitang i po nogi’ Upisor Watas Sipitang i Matlin Dullah, Upisor Komulakan om Sipoot Sipitang Nordin Ismail, ASP Dzulkifli Mohd Yaakub, i Badi Basir (minongob’ di Luguan Komulakan Umno Sipitang Yamani Hafiz Musa) om i Upisor Urusetia SAGA Sipitang i Mohd Dzul Kassim.

   
Email Print
   
 
 
E-browse