Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Pesta Rumbia harus dipertahan: KM |  Projek Agropolitan Gana perlu disiapkan segera: Shafie |  Agensi kerajaan diminta kembalikan tanah milik rakyat |  Liew: Permohonan dapatkan peruntukan bina 150 PPRT Kg Gas sudah dikemuka kepada KKLW |  Sabah bakal berdepan krisis pekerja ladang |  Poor finishing haunts Sabah again |  Mika wary of Kedah threat |  KK, Tawau in Group of Death |  SEPA: Study on Sabah energy should not be limited to coal |  Kuala Penyu to get new Ko-Nelayan building next year |  Six-man gang who mugged police constable arrested |  Shafie wants govt agencies to return the rakyat’s land |  Suspected child molester nabbed |  Sabah facing labour shortage in 10 years |  Onom sabap ra kua 7-Eleven ra Jipun moonsoi | 
 Kadazan Dusun

Kositum Sabah minomogundop ponginaman momohimu 4kg dadah mantad Holland

Holland1
Hamzah (id tanga) di ontok kopoihaan abal di koniab, pinopokito do duvo hinopotan dadah i pisosoomo hobi 10,000 pills, i kinaman do momohimu.

5th December, 2017

KOTA KINABALU: Nogundop fo Koupisan Kositum Diraja Malaysia (JKDM) Sabah, ponginaman momohimu dadah natantakam kavo ektasi sovinagat apat kikogram miampai gatang pisosoomo RM356,860, mantad Belanda.

Minoboos i Potunud dino, Datuk Hamzah Sundang, do id kalaja monoihi id Upis Pos Kota Kinabalu, di ontok ko 28 vuhan Koopod om Iso nakatahib, songuhun kusai kinoizonon kiumul 54 toun nga tinaan nogi, kikotumbazaan nokogompit id kiis nokomoi.

“Id posoihi jaam ko 12 doungadau ontok ko 28 vuhan Koopod om Duvo, upisol Kositum id Laan Pomohopotan Pos Kota Kinabalu JKDM Sabah, minanaan di natantaman i minikot id Upis Kositum Laan Pomohopotan Pos Kota Kinabalu, montok minudizo iso hinopotan kutak di pinoboos do kisuang basaan tumanud slip kapaatodan.

“Poingkuo po, pinomolisaan doid kutak nokomoi momoguno misi pombii, noihaan id kokitanan toi imej id suang dino kosigo,” ka disido di ontok kopoihaan abal kokomoi kiis diho, doiti di koniab.

Tumanud di Hamzah, id pinomolisaan kotihombusan, noihaan o kutak dino kisuang biik bagasi kivotik aagang i kivaa hivang tohosok, id nomboo duvo hinopotan kivotik oitom kisuan pil mogisuusuvai votik do nokito.

Ka disido, hinopotan dino tososondii kivinagat duvo kilogram om kisuang soginumu 10,196 pil.

Minoboos i Hamzah do tinaan reman tuu tadau i natantaman mantad di tadau kinapamagakaman (28 vuhan Koopod om Iso) om kiis diho soizukon tumanud Seksyen 39B Akta Dadah Kohigaganan 1952 i popoobi ukuman givison gisom apatai nung kogompit kahasaan. -Bernama

   
Email Print
   
 
 
E-browse