|
21st July, 2008
BEAUFORT: Songovian do kotundaan di novit do kopolintaan kuminaa do layat nopo nga huhusi kumaa doid layat i tomoimo manaak sokodung potindugu kumaa do kopolintaan Barisan Nasional (BN).
Mantad no diho, minoboos i Montili Kotundaan Mogigigozon om Ahal Momoguno, i Datuk Azizah Mohd Dun do nadadi tonggungan do buuan montok mamahantoi pingkab angkab do layat.
Azizah, i ponogi Huguan Koonduan Umno Boogizan Beaufort, minoboos do minggisom kozo zosido montok manakadai do layat id uvang nokomoi maza do komontilian dosido toi ko id siibo do komontilian suvai mooi do kaanu izioho panamanga di misudong dino.
Minoboos zosido diti di ontok pinopohombus pason id kinopomoiganan Pitimbungakan Pointimung laan ngaavi Koonduan Umno montok Hongkod Uvang Mongundi Klias Baru id Hintuun Togumu Guno Kampung Pintas, do doiti di konaib.
“Miaga toi do koumatan infrastruktur, kouhanan talun alun nopo nga pokionuon kozo id uvang kokompungan om poonjulon iho do au no ahaid,” ka dosido.
Suvai diho ka dosido, pinapahantoi nogi o Komontilian Komuhakan om Sipoot Sabah do panadaan duvo hivang pomoinan ogumu guno montok mogigizon id Beaufort do papaanjul abaabazan sipoot.
“Nunu i maso pinggisoman montok poonjulon nopo nga momoguno pinggisoman di tapaagat om sunduvan tinimungan di tavakas mooi do savi avi dino kaanjul miampai ahantoi,” ka dosido.
Ontok ponogi diho, kokomoi pitimbungakan Umno nokomoi, minoboos zosido do igitan demokrasi id pomihian do huguan ngaavi laan nopo nga mositi do poonjulon miampai koimaan di poingukab miampai au papalaat do koluang suvai montok mogium ningkokoton sondii.
lagi.”katanya.
Pisompuuvan id suang Umno om Barisan Nasional nopo nga kiguno montok kosindakon do layat mooi o kotonongan om sinindak puliti dotokou do aanu ahantoi,” ka dosido.
|
