Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sepanggar eyeing unique double |  Haze: Slight increase in treatment of Sabah patients |  Another biker killed while overtaking |  Chief Minister launches annual Foh Sang Mooncake celebrations |  Sambutan Hari Ozon Sedunia tingkat kesedaran pemuliharaan alam sekitar, kata Rozman |  Preserving the environment by teaching children to love it |  SICC to be ready in December |  Kopotundaan id watas Parlimen Pensiangan onuan koposuulan |  Molohing kiguno manapad pomogunaan kakamot elektronik do tanak |  Program One Stop Help Center (KAWAN) mudahkan rakyat: Rozman |  52 individu ditahan atas pelbagai kesalahan dadah di KK |  Buruh terbunuh motosikal bertembung pacuan empat roda |  Kerajaan akan ambil perhatian masalah penduduk, kata Peter |  Kerajaan perlu bantu golongan profesional muda: Razali |  Jerebu beransur pulih Okt ini: Issnaraissah | 
 Kadazan Dusun

‘Sagit’ inatang ru PMS tayar ru DBP pulanu’ pababansayan am pakiasian nilo ra kalingawan ralalom buuk teks

13th November, 2017

KOSON manginggalar intor ra pansasangaran tayar ru Pasisimpungan Murut Sabah (PMS) mabaya’ ra Diwan Bahasa am Pustaka (DBP) kinibitan ra buuk Sejarah Tingkatan kasaa’ ondo’ nampalingou ra fakta ru kaulayan Murut ralalom pampalabangan paat ra mokoondo’ nairuan ra painawo, sanginan karabau sinimbalui koson pamulanuan ra “Sagit” pababansayan kapoam randa’ pangayup, ondo’ inatang ra babagu ti soor ra Baloi Kaulayan Murut Inalisan Tonom.

Presiden ru Pasisimpungan Murut Sabah ie Datuk Rubin Balang, ondo’ nanampilon ra talu ngantayaran pasisimpungan ru Murut ioginio NGO Mamagun, Pasisimpungan Kamulakan Murut (PBM) am ngai’ nasuangan komuniti Murut, minindagu ra guor kapoam inatangan ragitio inaru’ nilo koson manimpok ra ‘sagit’ tayar ru DBP koson alapon ra rondo’ pulanu’ am pangkaraan nilo, maa’ raginio kasaukan koson raginio kalo bagu masauk saguli’.

Kasaukan raginio nasauk gili ra bilor 2016, paat ra DBP namatik ra rondo’ artikel tayar ru kaulayan am adat pataian ru bansa’ Murut, ondo’ pinasalula’ nilo iono paat ra matoi, bangkai kapoam inan ru minatoi no solobon am paulion ralalom baloi ra buoi tulu’ ngoorou ra kalo poyo lobongon.

Suai raginio, mokoondo’ kukula’ pasisimpungan am NGO ru Murut siminangit am rayus nampalapur kasaukan ru buuk teks ti minoi ra Balai Pulis am gumogot ra DBP mampalugut saguli’ ngai’ buuk teks raginio ondo’ nakasalula’ ra sikulan-sikulan liliwa’ ra gumogot ra DBP ti makiasi’ ra sala ondo’ nabaal nilo tayar ru mamagun nasuangan ru Murut.

Rubin nambala’ kabalu’ pana ra sala ondo’ nabatik ralalom buuk ie mokoondo’ kukula’ ragu ayuk koson “Ulun Murut paat ra nairuan ra painawo maaru’ solobon inan nano am paulion ralalom baloi ra buoi tulu’ ngoorou ra kalo poyo lobongon” kaa’ ragu binatikan ti mangkinibit ra kapaganan tayar ru “adat” Bansa’ ru Murut, mulu’ poyo ra buuk teks raginio nakasalula’ noyo ra ati-ati kakadaian pantalanan ra buuk am sikulan-sikulan, ragu nano.

“Suai raginio, Rubin nambilin ra ngai’ mangingila’ niayuk koson mangimansa’ pagulu, maa’ raginio kasaukan koson ragitio kalo magail masauk am mangkinibit ra kapaganan ra orou rumatong no, kono poyo.

“Maringkuanang itakau ri Aki Kapuuno’ nga ra barakat nano itakau makapagugumung koson mobobonsoi saguli’, liliwa’ raginio baal ru pababansayan takati niayuk minaya’ ra adat ru kaulayan itakau Murut, rayus itakau pana nakatampos noyo kalalair koson mangapu ra pakiasian DBP tayar ru sala’ ondo’ kalo singonon kabaal nilo,” ragu nano paat nampasuku’ ra ucapan inatangan Sagit am Pababansayan ondo’ inatang giu’ ra Pusor Kaulayan Murut Pulong gili ra orou koonom nakasail ili.

Sumugut ra kasaukan raginio, PMS niayuk nampasalula’ noyo baal ragitio ra tingganai-tingganai ru adat soor ra kukula’ Mahkamah Anak Negeri ra libung-libung ondo’ nasuangan mamagun ru Murut ra kalo poyo nangalap ra guor koson makitaak ra DBP mampalugut saguli’ buuk-buuk teks raginio intor ra pinasalula’ ra ati-ati intok pantalanan am rayus makiasi’ ra ngai’ mamagun nasuangan ru Murut.

“Maringkumaa’, paat ra timinuum aku ra Mantiri’ Pagigilaan ie Datuk Seri Mahdzir Khalid am rayus pinabala’ ku kasaukan ragitio…nanusub io ra KSU KPM koson rayus makiasi’ am manalasai ra kapaganan ti maya’ toojo ra adat,” ragu ie Rubin.

Rubin niayuk sangulun ADUN Kemabong am sangulun Tingganai Umno Tonom nampasalula’ ra kasaukan raginio napupusan noyo…the case is over..let’s get together for the better future. Io niayuk malansan ra DBP am PMS rayus migondo’ guang ralalom mangkuliman am mangimansa’ ra pogonong ragu kapoam adat ru Murut ondo’ inila’ ra sikulan-sikulan kalo nakalisang kapoam nagiru’ intor ra fakta kopoyo nano.

Minaya’ ra inatangan raginio iono, Mantiri’ Pampasingkatan Lisar Bandar Sabah, ie Datuk Seri Panglima Radin Malleh, Mangindangan Mantiri’ Pampasingkatan Infrastruktur Sabah ie Datuk Bobbey Suan, DO ru Tonom ie Madiyem Layapan, DO ru Nabawan ie Fredian Gan, ie Datuk Kadoh Agundong, ie Datuk Abdul Adzis Abas, MP ru Tonom ie Datuk Raime Unggi, ie Rudy Mairi am ngai’ Tingganai Libung, KAN, WKAN am KK am niayuk ngai’ komuniti Murut intor ra pogonong libung ra asak.

Pagulu no, Tingganai Pengarah DBP ie Datuk Abdul Adzis bin Abas minindagu ra, maringkuanang io ra gogot pakiasian nilo inapu ra kobobonsoi ru PMS ondo’ nanampilon ra mamagun nasuangan Murut tayar ru kamiaan komuniti takau ngangai’. Suai raginio, ilo niayuk nangiou koson inatangan pababansayan no paralanon maya’ ra adat kopoyo ru bansa’ Murut am kasaukan raginio urumaton nilo toojo.

Ragu ie Datuk Adzis poyo, DBP nangapu ra memorandum pangingalaran ondo’ nampasalula’ ra ilo nangkaus kakaga’ ra fakta ondo’ binatikan ralalom buuk sejarah raginii ondo’ raino ti pampasalulaan nano pinolonggo’ noyo gili ra bilor 2016 ie. Kabalu’ pana raginio, mokoondo’ niayuk artikel pakiasian intor ra DBP ondo’ pinasalula’ ralalom Utusan Borneo gili ra 30.10.2016.

Susuab orou ragili, olo’-olo’ pukul 6.30 nanimbalui ilo ra sanginan karabau ondo’ inatang mabaya’ ra ngai’ ahli DBP iono ie Datuk Abdul Adzis Abas, Asmiah Hj. Ajamain am intor ra KPM Hajah Zainap binti Derahim am Yusri Amir.

   
Email Print
   
 
 
E-browse