Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

Potudukan sunduan mongupus pogun mintonod id tabika

14th September, 2017

RANAU: Molohing om tongo’ mongiingia’ unsubon do popoindalan kopotonoman sunduan mongupus pogun (patriotik) pointonod di tanak-anak id nayatan po do sikul tabika.

I Puru parlimen om Ponorikohon Barisan Nasional (BN) Ranau Datuk Dr Ewon Ebin minoboros, umur id nayatan tabika diti asanang po do mamaramit nunu nopo i potudukon kaampai no mamarati do mogisusuai boros, koubasanan, tuunion, tangon-tangon, ponit taakanon toi sopiagal dilo’.

“Nung tangaanak id nayatan diti (tabika) tudukan om pasarabakan di koyuuyuon tongosonong miagal do opinogot, mogipapantang, aadang om otiu’ nogi’ mongupus kotoronongon om piuludan, tantu’ no do kosili yolo’ do tulun kiguno soira’ do osukod,” ka disio.

Suai ko ilo’, tantu’ po nogi’ diolo’ do otiu’ kumaa pogun om toririmo mananud di kooturan, ka disio kawagu. Minoboros isio dilo’ ontok pinopoimagon do kinapamaramaian Tadau Kinomordikaan nomungan limo tabika/taska id Lintuhun Tokoro’ Kampung Kigiok, kiikiro 10 kilometer mantad kakadayan diti.

Ka di Ewon, sabaagi mamasok, tongo’ molohing, mongiingia’ om tangaanak kiguno mongilo di kinoinggoritan minonugat kinomordikaan i notoguang di tongo’ rayat om lalansanon ontok timpu poingkuasa’.

“Kinomordikaan i nopurimanan tokou do babaino’ diti nopo nga’ mantad pininggisoman do rayat nokopogulu i kiguno do gompion, pususon om hondomon soliilinaid mooi do kotilombus tokou koburu’ id koinsanai kaganaan, poinpasi oulud om otoronong,” ka disio pinoposotol.

Kiguno tokou nogi’ monongkounsikou di kinomordikaan diti sabab nakapanahak dati’ do ksoiwatan montok momorinta’ pogun tokou sondiri’ miampai mongulud, mamalan om popoindalan kopotundaan tumanud di korohian toinsanan rayat, ka di Ewon.

Di maso do poingkuasa’, okuri’ kosiwatan do popoburu’ tinan sondiri’, miagal do sundung minonuridong o mogkukuasa’ do sikul montok rayat nga’ popotuduk nopo ilo’ di boros diolo’ montok papasanang do kopomorintaan maganu asil pomogunan tokou, ka disio pinopointalang.

Nokopogulu i Ponorikohon ababayan nokomoi i Awang Shaari Jumat minoboros do ababayan nopo dilo’ nga’ montok popigirot piromutan id pialatan sitaf KEMAS om molohing montok monuduk do tangaanak mintutun rati kinomordikaan.

Id ababayan nokomoi, minamarayou i Ewon di tongo’ molohing om mongiingia’ i minisokodung pinapalantoi do ababayan maya’ mogisusuai pinoindalan, kaampai no minomonsoi posokoton do susumikul minomoguno bondira’ pogun i miampai amu’ mitilombus kapatanom kopurimanan mongupus pogun id ginawo diolo’.

Pinopolulus po nogi’ i Ewon do poruntukan RM500 kumaa potitikid tabika di nokomoi montok kopoindalanan ababayan potitikid tadau diolo’.

Nokotindapou po nogi’ i Upisor KEMAS Watas Aliudin Yassin, Upisor Kopotundaan Mogiigiyon Paginatan Georgina Leong, Upisor Poinbida’ Parlimen Ranau Japirin Sahadi om tongo’ lalansanon nokoiyonon.-Di JIMMY AKAU

   
Email Print
   
 
 
E-browse