Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
PMS popobuzu RM20,000 tikid uvang di kihizab manaandak Kalamazan Kalimaran |  KOTUNDAAN SABAH MOMOGUNO PISOKODUNGAN TOTINDUGU DO KOONDUAN OM KOKUSAZAN: MUSA |  Utamakan kualiti projek, beri manfaat kepada rakyat |  34 sertai kursus Membuat Kek Kukus dan Karipap Pusing |  PMS salur RM20,000 kepada setiap daerah anjur Kalimaran |  Festival Trak Makanan KK berlangsung meriah |  LANTIK SEORANG WANITA DALAM LEMBAGA PENGARAH: MUSA |  Tidak mudah berputus asa kunci kejayaan Patricia Yapp |  MP says best to keep PLUS in govt hands |  Borneo Cup U-11 off to a spectacular start |  Tambunan powers to victory |  Greater solution needed to address Moyog river pollution |  Tekun Nasional entrepreneurs reminded to repay loans |  RM20,000 allocated for Kalimaran Festival |  No property damage in weak Tongod quake | 
 Kadazan Dusun

Sukod wagu kiguno porotion di komoyon do kinomordikaan

14th September, 2017

Di RIZALMI LIMAN

TAMBUNAN: Sukod wagu kiguno porotion di rati kinomordikaan mooi do kaanu yolo’ mamagatang dilo’ do po’ompus timpu.

I Kumoduo Boyoon Montiri Tan Sri Joseph Pairin Kitingan minoboros, sukod wagu babaino’ om dumontol kada’ kolihu do toinsanan i nopurimanan do babaino’ diti okon ko’ naantakan do songkirop noo.

“Kinomordikaan naanu mantad no do pininggisoman di lalansanon nokopogulu gisom no koporintaan i haro do babaino’.

“Otopot nopo, i pinoburu’ diolo’ okon ko’ ahal di asanang sabab mantad no do kinolubukan diolo’ do nosili tokou rayat di ‘mordika’ do babaino’ diti.

“Kalansanan do pomogunan Malaysia kotilombus otoronong om oulud montok 100 po toun om sogiigisom,” ka disio. Minoboros isio dilo’ ontok pinopoimagon do Tadau Kabansaan nayatan Watas Tambunan 2017 id Pisompuraun Square, do hiti di songkoniihab.

Isio i po nogi’ Puru Parlimen Keningau minoboros do id kopomoromitan wulan kinomordikaan, nosili timpu momuhondom kawagu di nowonsoi tongo’ pinopoburu’ kinomordikaan di pogulu diti.

“Potitikid kinomordikaan momoguno iso’ kopoburuan tosonong om kolubukan di aiso’ topong.

“Haro mogisusuai ralan suai montok popokito kopongupusan pogun giigisom po dilo’ do amu’ manahub undang-undang.

“Id kapamaramaian wulan kinomordikaan diti, kanou tokou no do momusorou ralan suai popokito kopurimanan dilo’ kosuul no i tongo’ sukod wagu.

“Miagal do tumakad Nulu Wakid mogowit bondira’ Malaysia toi Sabah toi mimbosikol pakaya’an id Sinurambi Tambunan om popokili bondira’ id bosikol diolo’.

“Ahakon om ponotonoman yolo’ do sunduan kinomordikaan mooi do kopomuruan yolo’ do pogun tokou do dumontol,” ka disio kawagu.

Nokotindapou po nogi’ id ababayan dilo’ i Upisor Watas Tambunan Thomas Logijin, Luguan Pulis Watas Keningau DSP Ahmad Jawila om i Lansanon Kopotundaan Mogiigiyon (PPM) Tambunan i Silverinus Bruno.

   
Email Print
   
 
 
E-browse