Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

Angkab tanak leukemia dumadi 'puu bomba' notuhuk

14th September, 2017

KOTA KINABALU: “Ounsikou kozo, tadau baino no di ‘happy’, saviavi tuhun minonoimo,” ingkaa no boos tanak nokotoguvang toluo leukemia Mohammad Saiful Iman, 13.

Isido i baino monoimo pongusapan id Hamin Pongusapan Koonduan om Tanak Likas sinasi di duuduvo mohoing disido.

Mohammad Saiful poimbasaan miampai do basaan poingonop do puu bomba om noovit suminakai do injin bomba i tuni dino pinouni om pinapanau id posoihi uvang natadon hamin pongusapan.

Tihunung isido do puu bomba mongingit do hos pomisok tapui injin bomba miampai minomoom vaig kumaa puun kazu id natadon hamin pongusapan sabaagi tanda kalaja momisok kotutudan do puu bomba.

“Au monguo nung au kaanu mongoi id balai bomba. Kivaa no haid angkab ku montok dumadi puu bomba nga kitoluo nogi miaga diti, au nodii kaanu monuhuk angkab ku diti. Nga monongkotohuod zou, bomba minikot id doiti om minogovit dogo mamanau, opiumanan ku happy,” ka disido.

Susumikul Pangaan ko 2 SMK Kinarut diti maamasi mongoput balajalan disido id hamin pongusapan. Angkab dumadi puu bomba notuhuk Koisaan Angkab Tanak Malaysia (CWS) miampai pisokodungan hamin pongusapan dino om Balai Bomba Lintas.

Upisol Bomba Takavas 2, Rozamshah Rahmat minoboos mantad voos tanak dino ounsikou isido.

“Minamason “terima kasih abang bomba’ kahapas nopo dagai minogovit disido minindau mantad injin bomb aom suminakoi mahik id tikoon kitayol montok oviton monoodo pamaaman vaig poguhui noovit mahik suminakoi id wad,” ka disido.

Naamot dino Naib Polosiden WCS, Teoh Teik Hoong minoboos nokotoimo izioho angkab di Mohammad Saiful mantad boogizan hamin pongusapan om tuutulus dino pinopoihombus angkab dino kumaa boogizan bomba.

Ka disido mantad po 2007 WCS nokoponuhuk no angkab kuang hobi 700 tanak id pototongkop pogun om 100 mantad dino nopo nga tanak id Sabah. Bernama

   
Email Print
   
 
 
E-browse