Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pisokodungan ogirot kapanahak koundaran kumaa artis nokoiyonon |  Seri Mengasih Centre expected to relocate by December |  Pertisa dan VOKfm yakin hubungan baik beri manfaat pada artis |  Masyarakat perlu sentiasa bekerjasama membantu usaha perangi wabak denggi |  Kekaumas berjaya adakan program Sembang Santai bersama No’man |  Ketua Menteri akan rasmi Pesta Gambus Peringkat Negeri Ahad ini |  Pengampunan 2.0 diadakan di Inanam 24 dan 25 Feb ini |  Institusi JKKK penting tarik penglibatan rakyat majukan luar bandar: Musa |  Winning start for Juniors |  Jesselton Reds anniversary dinner on March 17 |  Luton A outgun Luton C in decider |  Football legends can transform youngsters into better players |  A clinical psychologist in East Malaysia |  Brazen street brawl caught police attention |  Darell: State Gov't should immediately proceed with Sabah IC | 
 Kadazan Dusun

POMOLISAAN TOGIOT ID SAVIAVI VAVAZAAN SUMUANG SABAH

14th September, 2017

SANDAKAN: Pomolisaan togiot id saviavi vavazaan sumuang om kiriman kurier id pogun diti nakaanu nodii tanom pomutanaman id Sabah koinsodu mantad koohian toluo koohiu om momiumbak.

Potunud Koupisan Pomutanaman Sabah Idrus Shafie minoboos kivaa tuhun kuminam mogovit sumuang kaganapan kogompit tanom kumaa pogun diti mazaa gana tutubpoon Kapal om kivaa nogi kuminam mogohimu momoguno pokiliman kurier.

“Pinomolisaan togiot id gana tutubpoon kapal nontodonon ponginaman mogohimu kaganapan kogompit tanom minundahiu kumaa kiriman kotoinaan kurier.

“Kuang hobi 80 piatus mogohimu kaganapan tanom kumaa pogun diti noihaan mazaa pinokilim kurier,” ka disido id Lamai Kopomoiganan Ponutuban Seminar Koubasanan Pomutanaman di Tavasi i pinoimagon di Panakadai Montili Polinta Kinoizonon om Pomuhominan Sabah Datuk Zakaria Mohd Edris.

Tumanud disido haang manahob koohian toluo om momiumbak dino kiguno mooi au kopogompit kohobusan asil tanom taakanon id pogun diti montok kogunaan mogiigizon om montok angkab mongudal.

Ka disido koupisan dino manaak pongintangan kumaa tanom taakanon montok momogonop kogunaan sandad taakanon okon nopo montok mogiigizonid pogun diti i ginumu dino 3.3 lizong tuhun nogi montok tutumombuhui.

Tumanud disido boogizan disido nga maganu haang timpu tanau id suang mongintong kohobusan taakanon au okuan mantad no koikatan tutumombuhui habus pogun kumaa pogun diti i koinsavat potitikid toun.

Minoboos i Idrus ponginaman suvai nopo nga mongunsub tanom kinontodonon taakanon id pogun diti kopitanud miampai ikoton polinta pogun Sabah id suang popoinsavat sandad taakanon.

Iti saasabap no, ka disido, ontok timpu baino 95 piatus tanom pomutanaman id pogun diti nopo nga kinontodonon komoditi i popoompit tanom piasau mamau. Bernama

   
Email Print
   
 
 
E-browse