Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

Pialaan Momowotik Fridge Magnet Malaysia Day id Chanteek Borneo ko 17tw diti

13th September, 2017

Di JOANES ROBERT JOHNNY

TAMPARULI: Kopihondot ‘Tadau Malaysia’ toun diti, Chanteek Borneo Indigenous Museum pikiikiro do papaanjur pialaan Momowotik Fridge Magnet Malaysia Day ontok ko 17tw Kosiam diti (Minggu).

Pialaan dilo’ pohoroon id duo bohogian, kaampai do Kategori A (6-8 toun) om Kategori B (9-12 toun). Titungkap koimbayat poingandad di tongo’ tutumanud ngaawi’ id hombo bontugan pikiikiro mogowit muli’ tusin RM50 om setifikit kotonudan, tukad koduo RM30 om setifikit kotonudan om id tukad kotolu RM20 om setifikit kotonudan.

Kopomorojistoran pialaan dilo’ maan poindalano’ do jam ko 10 kosuabon, naamot pialaan dilo’ potimpuunon do jam ko 11 kosuabon.

Montok dilo’, unsubon yolo’ ngaawi’ do rumikot lobi awal pogulu do jam ko 11 kosuabon po moi do amu’ kotohuri do rumojistor.

Yuran kotonudan montok songulun tangaanak nopo nga’ kigatang RM10.

Lobi koimbayat, koinsanai tutumanud dilo’ kikosiwatan do mogowit muli’ duo ponit fridge magnet sompoopori. Water Color pikiikiro do maan posodiao’ nga’ unsubon yolo’ do mogowit sondiri’ acuan warna ontok poompus pialaan dilo’ id hombo water color no i pasagaon do gunoon.

Tadau pomupusan kotonudan pialaan dilo’ nopo nga’ ontok ko 16tw Kosiam jam koonom sodopon. Kopomorojistoran milo po nogi’ do wonsoiyon maya’ do WhatsApp (0163290018) miampai popoilo ngaran om umur tanak.

Montok kointalangan potilombus milo do sumuang id laman sosiol Facebook (Chanteek Borneo Indigenous Museum) toi momoromut dioTiffanny (01133731172), Hotline (016-3290018), Rosita (010-9771681), i Anne (019-5300018) toi upis (088 792018).

   
Email Print
   
 
 
E-browse