Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Koponginsonongan kinaraagon Ralan Paitan – Kanibongan pokisisikapan |  Atag mooi iso undang-undang kavavagu todoon montok di notogian gam |  Ikon Guru Kebangsaan antara penerima PhD |  Bas bawa pelancong China terbabas, lapan penumpang cedera |  Pencawang meletup dan terbakar: Lima pekerja SESB melecur |  Jainab cadang undang-undang baru digubal untuk membolehkan tindakan penagih gam |  SMEs must make use of government funding |  M’sia aims to export 30 pct of broiler chickens by 2030 |  Husband discovers wife’s lifeless body behind their home |  Substation fire leaves five SESB staff burnt |  Three seriously injured after mini-bus rams tree |  Leong said the boat can ferry 27 passengers – Witness |  CM: Sabah govt doing its best to fight for state’s rights |  KIIS MALARIA ID SABAH NOKOINSAVAT GISOM 173.5 PIATUS: EDWARD |  TVET crucial in producing skilled labour | 
 Kadazan Dusun

Pokikitanan Tadau Malaysia minonginsomok do susumikul SK Taginambur

13th September, 2017

KOTA BELUD: Kopiodot miampai panaandakan Tadau Malaysia ontok ko 16tv vuhan Kosizam mikot, pinapaanjul o Muzium Sabah do iso pokikitanan id Sikul Kebangsaan (SK) Taginambur, do doiti di kavavagu diti.

Pokikitanan diho nga binuzu nogi mantad do abaabazan isooi di poguhui diti id pinaanjul id piipio sikul suvai id uvang diti.

Di baino diti, suvai ko pokikitanan tokoh ngaavi sipoot, boogizan Muzium Sabah nga pinopointong nogi kuminaa do susumikul SK Taginambur, kogompit bakaang ngaavi susuzan, hobi no kokomoi susuzan pinonuidongan do Malaysia.

Minoboos i Upisol Muzium Sabah, i Stephen Jaya D, do minonoodo o boogizan dioho do kosuvazon tokuudi id pokikitanan di baino diti kopiondot miampai Tadau Malaysia, i taantakon ontok tadau Koonom diti.

“Nung di poguhui diti, popokito noopo sikoi susuzan kokomoi tokoh ngaavi sipoot, di baino diti, pinopointong zikoi kumaa do susumikul SK Taginambur kokomoi susuzan ngaavi buuan pogun, hobi no kogompit di ontok ponuidongan do Malaysia.

“Abaabazan diti pinopoinsomok do susumikul, okon noopo ko id sikul diti, nga nogi sikul ngaavi suvai di poinsomok,” ka disido.

Ka vagu disido, abaabazan ngaavi miaga diti potihombuson id sikul ngaavi suvai id timpu mikot om boogizan disido nga nokotoimo nogi kopokianuan togumu montok papaanjul abaabazan pokikitanan nokomoi.

Naamot diho, minonongkotohuod i Mongingia Tagazo do SK Taginambur, i Biteh Betty Linggin, kuminaa do boogizan Muzium Sabah, tu nakaanu pinapaanjul pokikitanan nokomoi id sikul dino.

“Montok boogizan sikul, vookon tuduvan do abaabazan diti nopo nga montok papavasa do susumikul ngaavi mimbalajal miampai hobi pointahang kokomoi susuzan pinonuidongan do Malaysia, id sampaping poposoto sunduvan patriotic om guminavo pogun.

“Suvai diho, susumikul ngaavi nga kaanu nogi mombii sondii gambal ngaavi hamin koubasanan suku tinau i kivaa id Sabah, om nogi mongintutun tokoh ngaavi kinoizonon, kaampai no puu sipoot di nokoovot pinoposindak ngaavi pogun,” ka dosido.

Ahansan nogi i Biteh do SK Taginambur, oonuan vagu do kosivatan montok kapaanjul abaabazan miaga diho id timpu dumonto.

“Abaabazan diti nga minongukab nogi iso po vagu hivang pionitan di togiot id piahatan do sikul diti om boogizan Kouoisan Muzium Sabah, montok monumbozo angkab om hizabon do susumikul i poinsuang id Palan Kotundaan Pambalajalan Pogun (PPPM),” ka dosido.

   
Email Print
   
 
 
E-browse