Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

Komiti poimbida mongintutun Taman Marin id Sabah

13th September, 2017

KOTA KINABALU: Komontilian Kotombuhuzan, Koubasanan om Sandad Posoihi Sabah minonuidong komiti poimbida montok mongintutun kozo uvang pitakasan om pulau id pogun diti i aanu popoimagon sabaagi u vang pomogompizan taman marin.

Montili dino Datuk Masidi Manjun minoboos komiti poimbida i tinuidong minggu nakatahib dino vookon kitonggungan montok dumampot ikoton polinta pogun montok popoimagon 10 piatus mantad uvang pitakasan id Sabah sabaagi taman marin koikatan toun 2020.

“Komiti poimbida diti i binuuan di Panakadai Montili Kotombuhuzan, Koubasanan om Sandad Posoihi, Datuk Pang Yuk Ming monimbang piipio tampat kavavagu id uvang pitakasan i aanu popoimagon sabaagi taman marin.

“Pilotian dino (popoimagon taman marin) nga kopitanud miampai angkab Koisaan Tinan Vinoun (PBB) i mokianu polinta pogun mongkimamaa id suang momogompi mamasi marin id pototongkop pogun diti,” ka disido kuminaa magaganu abal kahapas pinopoimagon Bengkel Koumohigan Posoihi Maritim id doiti, di koniab.

Minoboos i Masidi gisom baino diti taman marin id Sabah popoompit ginazo 200 lizong hektar ino nopo nga 7.4 piatus mantad uvang pitakasan pogun mantad dino Taman Marin Mustapha, Taman Marin Tun Sakaran om Taman Marin Tunku Abdul Rahman.

Pinopointahang kokomoi bengkel naazu US Pacific Command (USPACOM), miampai pisokodungan polinta pogun dino, minoboos i Masidi bengkel i naazu kihinaid do tohu tadau nokotimpuun di koniab vokon suvai miboos kokomoi ikoton ngaavi panamangan sandad posoihi marin id Sabah.

“Humansan zou bengkel diti kapanaak kovosian di tagazo montok dotokou tumoguvang ahal ngaavi sandad posoihi marin id Sabah.

“Mazaa bengkel diti humansan nogi tokou kaanu minsingiho teknologi om toihaan kavavagu hoohobi no kozo kokomoi kosimbanon koozuzuvo om tanda kumaa mamasi marin miampai koposizon om sinuau mogiigizon id pogun diti,” ka disido. Bernama

   
Email Print
   
 
 
E-browse