Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
12 sikul id Tuaran kotoimo sakadai RM1 bilion |  Pisokodungan ogirot kapanahak koundaran kumaa artis nokoiyonon |  Seri Mengasih Centre expected to relocate by December |  Pertisa dan VOKfm yakin hubungan baik beri manfaat pada artis |  Masyarakat perlu sentiasa bekerjasama membantu usaha perangi wabak denggi |  Kekaumas berjaya adakan program Sembang Santai bersama No’man |  Ketua Menteri akan rasmi Pesta Gambus Peringkat Negeri Ahad ini |  Pengampunan 2.0 diadakan di Inanam 24 dan 25 Feb ini |  Institusi JKKK penting tarik penglibatan rakyat majukan luar bandar: Musa |  Winning start for Juniors |  Jesselton Reds anniversary dinner on March 17 |  Luton A outgun Luton C in decider |  Football legends can transform youngsters into better players |  A clinical psychologist in East Malaysia |  Brazen street brawl caught police attention | 
 Kadazan Dusun

Tadika St. Peter Claver Ranau nakaramit sakadai mantad Vatican Foundation

12th September, 2017

RANAU: Gereja St. Peter Claver Ranau (SPCR) nakaramit toluod kiginumu’ lobi RM200,000 mantad Vatican Foundation montok ponuridong songinan linimput tadika (Tadika Kasih Bonda) i babaino’ diti kakal momoguno do linimput Lintuhun Fr. Salm id gereja dilo’.

Ahal dilo’ pinointalang di Rektor Paroki SPCR Rev. Fr. Nicholas Stephen di maso minoboros id ababayan Tadau Paroki Ranau i pinoimagon di Uskup Tagayo (Archbishop) Diosis Kota Kinabalu i Uskup Datuk John Wong.

Ka di Fr. Nicholas, tadika i momoguno do boros Inggilis dilo’ nokotimpuun di 2015 om momoguno do songinan linimput sondiri’ montok popoindalan ababayan diolo’ i nakaanu raramit kounsub mantad susumikul kiugama’ Kristian id watas diti.

“Montok manampung ponuridongan linimput dilo’, momoguno o gereja diti do poruntukan RM750,000 om osonong kopio sabab minonoluod o Vatican Foundation soginumu’ RM210,000 maya’ Keuskupan Kota Kinabalu,” ka disio.

Potilombus dino, kalansanan disio o toinsanan eklisia do monoluod montok momongo linimput di nokomoi. Naamot dino i Uskup John pinopoilo kokomoi ponuridongan Longkod Katolik id poliliput Pogun Sabah i maan turidongo’ id doros do linimput Sacred Heart i momoguno poruntukan soginumu’ do RM9.6 riong.

Montok momongo do longkod dilo’, bohogian keuskupan mokiinsian mantad toinsanan eklisia Katolik mantad 22 paroki id keuskupan Kota Kinabalu do monoluod, ka disio.

Pinopoimpuun po nogi’ isio do Tabung Pinotomod i pinoguluanan disio minonuang sinusuhut di Fr. Nicholas, Fr. Francis Tsen, Fr. Bruno Yasun om tongo’ lalansanon gereja nokoiyonon.

Id ababayan po nogi dilo’, i Uskup John pinopoindalan ababayan sumungkad montok kopoimaganan ponuridongan linimput tadika id olikudan do Gereja SPCR.

Wookon ababayan ontok Tadau Paroki dilo’ kaampai no kinopomoromitan Sakramet Kopogirotan di 265 tulun, pokiikitanan mantad 21 komiti gereja, makan miampai Uskup, kopomurutan tikit kinasip, minomuntul tindalam, kaparangahan sinding, kopokitanan sayau om karaoke.

Nokotindapou po nogi’ i Ponorikohon Kounsol Pastoral Paroki i Dennis Sading, Upisor Kopotundaan Mogiigiyon (PPM) Paginatan Georgina Leong i po nogi’ Ponorikohon Manganganjur om tongo’ lalansanon gereja mantad 55 stasi labus.-Di JIMMY AKAU

   
Email Print
   
 
 
E-browse