Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Koponginsonongan kinaraagon Ralan Paitan – Kanibongan pokisisikapan |  Atag mooi iso undang-undang kavavagu todoon montok di notogian gam |  Ikon Guru Kebangsaan antara penerima PhD |  Bas bawa pelancong China terbabas, lapan penumpang cedera |  Pencawang meletup dan terbakar: Lima pekerja SESB melecur |  Jainab cadang undang-undang baru digubal untuk membolehkan tindakan penagih gam |  SMEs must make use of government funding |  M’sia aims to export 30 pct of broiler chickens by 2030 |  Husband discovers wife’s lifeless body behind their home |  Substation fire leaves five SESB staff burnt |  Three seriously injured after mini-bus rams tree |  Leong said the boat can ferry 27 passengers – Witness |  CM: Sabah govt doing its best to fight for state’s rights |  KIIS MALARIA ID SABAH NOKOINSAVAT GISOM 173.5 PIATUS: EDWARD |  TVET crucial in producing skilled labour | 
 Kadazan Dusun

Kinasuang ru kuliamos tiluan ra pamagunan takau ra orou raiti’

11th September, 2017

PABUKAT kau, mantalan ra produk kapoam kukuliamos tiluan ti iono inggalarin kakaga’ am sala ragana’ ru undang-undang. Mokoondo’ pamatasan ru undang-undang ragana’ ru Akta Perihal Dagangan 1972, amon narampatan makasala, ilo ondo’ mantalan ra produk tiluan ti mabuli ukumin am randain saratus ngaribu ngaringgit kapoam jiilon ra buoi talu ngambilor kapoam karuruo no iggondo’.

Kasaukan nano ra orou raiti’, pangukuman kapoam randa’ ondo’ inaru’ ti kalo kalaanin ru santayaran mamagun takau kapoam ulun-ulun ondo’ nambaal ragitio. Ati lair ukum ragitio mamaan kakaga’ amon patukuon ra ampos ondo’ naalap nilono kapoam banang intor ra pantatalanan nilono saboi ra kapaganan ragitio mailo bopo inggalarin am impangin. Kapoam mokoondo’ kia ulun-ulun maatang ondo’ manindung risilo nga jumanjai bopo suang ru kukuliamos tiluan ti ondo’ masalok matuum takau ra pasar tanga’ rondom ti kapoam mauligan ra Down Town.

Kaindalaman nano ilo ti masaga’ mantalan ra produk kapoam kukuliamos ondo’ mauligan kakaga’ kapoam makajenama ra mauligan soor ra antarabansa’ am nasauk ra kasagaan ru ngai’ ulun ondo’ mambali no rano. Intor ra aksesori, kuliamos lumimpor, kantungan gigibain ru ruandu’, bayang, jam ru longon, umau am saluar jeans. Ngangai’ no talanon ra pasar naukab ra ati-ati pana intok.

Jenama kapoam brand ru rorondo’ kuliamos ondo’ talanon ra butik eksklusif ti kaindalaman nano mologo saboi kukula’ ngaribu ngaringgit, kaa’ raino ti nasauk noyo ra kulaimos mamurah am talanon ayuk ra kiing ru ralan ondo’ mauligan ra (street wear). Arati’ nano osoi pana mabuli mampakai ra kukuliamos ragitio, kalo bo paruli’ ra io tiluan kapoam kalo. Amon imansain takau ra kualiti am kinatuyu’ ru kuliamos ti itakau galama’ makapandai noyo kalalair, kaa’ ulun kalo bo paruli’ raginio atan maatang ioginio logo nano ra mamurah am mabuli makaalap ra kuliamos ondo’ gogoton nilo.

Koson ra rondo’ beg ru longon ruandu’ makajenama antarabangsa koson ra Louis Vuitton, Prada, Fendi, Gucci, Channel, Dior am mansalinut poyo ondo’ mokologo saboi ngaribu ngaringgit, raino ti osoi pana mabuli mokoowot ra kuliamos raginio maya’ ra kuliamos-kuliamos tiluan am logo nano pana kalo makasuku’ saboi saratus ra ati-ati gerai kiing ru ralan mulu’ poyo soor ra pasar tanga’ ru rondom ti. Suai raginio amon mapandai poyo mindagu ra mantalan no mabuli poyo patuunon logo nano.

Baal am kasaukan ragitio, amon kalo imansain am kulimanin ru mangunguasa’ itakau niayuk makatuum ra kapaganan nano ra bulintok rumatong mulu’ poyo tayar ru mamagun takau galama’ ondo’ nakasimpung ralalom pangingindapuan rati.

   
Email Print
   
 
 
E-browse