|
|
|
LAHAN NOUMBAK...ingkaa no kosusuvo do talun alun id hivang Taman Mesra di noumbak navasaan padsakazan tavagat.
|
17th May, 2008
SANDAKAN: Koikatan ngaavi do hobi duvo ngoopod tinan lori, sokukuang no do 18 tayol diho id hivang pomuhaminan id Taman Mesra Vatu 4, ontok potitikid tadau nopo nga okon noopo ko kapasabap koumbakon talun alun id kinoizonon nokomoi nga kopogundoonok nogi do koumohigan do mogigizon.
Kotongoban kokomoi koikatan do lori diho nopo nga pinoboos do mogigizon di hivang pomumhaminan nokomoi i mimang do boogizan kokuasaan, hobi no doid Kounsol Kakadazan Sandakan (MPS) do maganu haang tokodou kogompit kobohingkaangan nokomoi.
Tumanud do songuhun mogigizon, i Zaiton Kassim (46), mogovit o dolivol toi papapanau ngaavi lori nokomoi do potitikid tadau, hobi no ontok timpu minsosodop om popotood do lori id suang hivang pomuhaminan nokomoi gisom kapangasou kotoonongan do mogigizon suvai.
Ka dosido, potitikid o lori ngaavi nokomoi do sumuan id hivang pomuhaminan, pointantu no o ginuzu do opiumanan id hamin apat milouting nokomoi om miaga kozo do hivang diho dodizon hivang toi depo patataadan lori do tikid tadau.
“Kotongob zikoi, hobi no do tina ngaavi tu koosi do koumohigan tanak ngaavi dagai, dati kaantakan au pobpiumanan tu hivang di dinadi do depo lori id somboogizan do hivang dino gunoon do mogigizon do hivang modtutuongis ontok potitikid minsosodop,” ka dosido.
Kivaa nogi do lahan ngaavi do doiho do nongoumbak om kikoung sabap no do vinazaan padasakazan tangavagat i kohobi do himo tan diho, gisom do koponguntazag do pamanaan do kulita tongonini sanganu do songingizon id hinominon nokomoi.
Minoboos zosido do humansan kozo zosido do boogizan pointantu, hobi no do MPS om nogi Koupisan Padsakazan Lahan (JPJ) do papaanjul kopokuasaan, kaampai no monuu do pakakalajaan i sanganud dolori mooi do au papasvasa dolivol dioho do mogovit sumuang do lori id hivang pomuhaminan nokomoi.
Ka dosido, savi avi boogizan, kaampai no papapanau lori, i ponogi mogigizon id pomuhaminan nokomoi mooi do au popoguhu sondii nga apatut do opusou kumaa doid mogigizon do suvai, id ahal koumohigan songovian.
Id pinombiian do New Sabah Times id kinoizonon nokomoi di koniab, noihaan o kotongob diho i koomozon do mogigizon do doiho, mantad kinoumbakon do lahan id suang hivang pomuhaminan nokomoi miampai popotood do lori dioho di kopoikot kohigaganan kumaa doid mogigizon, hobi no doid dazanak ngaavi.
|
