Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
OPPO A3 invades the market |  Pink Evans muncul dengan single pertamanya "Jujur ku tak bisa" |  Isu bekalan air bersih di Ranau akan diatasi: Abidin |  Kes denggi di Labuan meningkat 62 kes |  Agong sokong langkah berhemat, pemansuhan GST |  Sabah Ports and Harbours Dept Director among four remanded for bribery investigation |  Pygmy elephant found dead on oil palm plantation |  Sabah has the most unemployed graduates in country |  Shafie the right man for the job! |  Matlan: Nominate suitable candidates! |  MAGANU HAANG KUMAA KOMPONI AU NAKAHANTOI MINOMONGO VOKOK VAIG ID BEAUFORT |  Norzawiyah, koonduan koiso sabaagi Potunud JaPen Sabah |  Potunud, tohu kuntilikto nokogompit susuap tinaan naamot |  USCI medical and pharmacy roadshow |  Welder Training Programme for Sabahan youth | 
 Kadazan Dusun

Tadau Tulun Sandad 2017 norikot kinaramaion

12th August, 2017

KENINGAU: Kinopomoromitan Tadau Tulun Sandad Sompomogunan 2017 nayatan kabansaan tinaandak do noriirikot kinaramaion id Keningau di tadau Kotolu, katatalib.

Kinapangaramaian i nokotimpuun di jaam ko’ 6 kosuabon om nopupusan di jaam ko 10 totuong dilo’ tinumpasan do mogisusuai ababayan.

ababayan nopo dilo’ nga’ montok kapamaramaian Tulun Sandad i haro id Malaysia kaampai no mantad Semenanjung, Sabah om Sarawak.

Pinoindalan nogi’ o mogisusuai pokiikitanan doun koubasanan, takaanon, sipoot, tuunion om kopomogunaan kakamot tuunion koubasanan do tulun sandad i haro id Malaysia.

I Porosidin Jaringan Orang Asal SeMalaysia (JOAS) Yusri Ahon, minoboros do ababayan dilo’ kalansanan kapatanom sunduan sukod wagu mamagatang do tinaru om kopooposion diolo’.

Id ababayan po nogi dilo’, ka di Yusri JOAS posodia’ misokodung miampai koporintaan id kopongobianan kotunduann om timpu dumontol tulun sandad id Malaysia.

“Iti nopo nga’ sabab do ogumu’ kobolingkahangan i otoguang do tulun sandad id Malaysia i kiguno tompuanon miampai kosokodungan koporintaan,” ka disio id kapahabaran media doid ababayan nokomoi.

Nokotindapou po nogi’ id ababayan dilo’ i Monunurat Tagayo Asia Indigenous Peoples Past (AIPP) Gam Shimray, Kumoduo JOAS (Sabah) Juhaidi Marindal, Kumoduo JOAS (Sarawak) Romnald Sien, Uskup Diosis Keningau Bishop Datuk Cornelius Piong om tongo’ mongongobi’ koupisan koporintaan.

   
Email Print
   
 
 
E-browse