Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pelbagai acara dipertandingan sempena penutupan Bulan Kemerdekaan SK Lingga Baru |  Jangkauan Seni Budaya Seni Berbahasa pamer bakat asli |  200 peserta Pedalaman Atas sertai Program Kem Diabetes, NBOS6 |  Permainan tekan dada diharam di sekolah |  Guna internet dapatkan maklumat kesihatan warga emas dikaji |  JBPM Labuan akan terus tingkat latihan kesiapsaigaan libatkan pelbagai agensi |  Tiga pemancing selamat berenang ke bagang ikan |  Tiada program E-Kad dilaksana di Sabah |  Peniaga muda perlu diberi sokongan berniaga di bazar |  SRS 1Malaysia mantapkan tahap keselamatan komuniti |  Rozman mahu kekerapan ganguan bekalan elektrik dan air dikurangkan |  Perancis akan bawa Festival Perancis di Sabah April 2018 |  Musa minta ahli Umno semua peringkat kukuh kerjasama |  Remaja dikhuatiri lemas, kereta dihanyut arus lebih 100 meter |  Kematian Ketua Abu Sayyaf diharap tamatkan penculikan | 
 Kadazan Dusun

8,000kg sisi bohukun kihoogo RM100 lizong nagamu do Kastam

12th August, 2017

KOTA KINABALU: Koupisan Kastam Diraja Malaysia Sabah nakapanahob iso ponginaman mogohimu kuang hobi 8,000 kilogram sisi bohukun kihoogo RM100 lizong id suang iso pinagaavan id Lolokiton Kapal Vaig Sepanggar di kohimpupuson vuhan nakatahib.

Potunud Kastam Sabah Datuk Dr Jahathan Kandok minoboos sisi bohukun nokogompit nagamu di ko 29 Vuhan Kotuu nakatahib, kikotumbazaan montok udalon kumaa China.

“Tumanud asil pinonohinuan, minonoodo izikoi pinomolisaan kumaa duvo kontena i nokolijisto kisuang kuhit montok udalon kumaa pogun dino.

“Nga asil pinomolisaan dino noihaan dotokou kiginumu 226 gumi kisuang kuang hobi 8,000 kg sisi bohukun pinosuang id duuduvo kontena dino,” ka disido kuminaa magaganu abal id doiti di koniab.

Minoboos isido sumusuut dino nogi boogizan dagai nakapanaan songuhun kusai kinoizonon kiumul 43 toun i nogi sanganu do komponi i kuminam mogohimu humabus sisi bohukun dino.

Minoboos i Janathan kiis dino soizukon tumanud Seksyen 135 (1)(a) Akta Kastam 1967 tu kuminam mogohimu humabus balang pogoduan i nung kogompit kahasaan adanda tosiibo no kozo 10 kolipat hoogo balang toi ko takavas 20 kolipat hoogo balang danda toi ko tolungku au katahib tohu toun toi ko duuduvo dino.

Sisi bohukun pogoduan mongudal dino id siibo Jadual Kotohu Akta Pidagangan Sompomogunan Kokomoi Tazam Opunso 2008 suvai ko kivaa poomit.

Au nogi isido minonulak sisi bohukun dino oviton sumuang kumaa Sabah mantad pogun sungkad tukad mazaa lahan tohosok.

“Pisosoomo dotokou 8,000 kg sisi bohukun dino naanu mantad 16,000 tinan bohukun om miampai ginumu dino au tokou noihaan nung ino naanu id Sabah tu tukuan pias id Sabah dati aiso do miaga dino ginumu bohukun,” ka disido. Bernama

   
Email Print
   
 
 
E-browse