Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Hyatt Regency rai 59 kanak-kanak sempena Krismas |  Alyssa Dezek Selebriti kanak-kanak serba boleh |  190 mangsa terlibat simulasi hadapi banjir |  WCS berkonvoi ke Pantai Timur sambil membuat kebajikan |  Kem Sahsiah Guru perkukuh jati diri |  Jabatan Bomba dan Penyelamat Labuan tingkat hubungan dengan media |  IKM tawar kursus Pacuan Empat Roda pertama di Malaysia |  Polis tahan dua lelaki terlibat kes samun bersenjata |  Polis berusaha jadikan Tenom selamat, bebas dadah: DSP Firdaus |  Industri koko antara komoditi penting sumbang pendapatan negara: Nuhaini |  Towards producing a golden generation |  Stroll in the park for Penampang girls |  Ball in Mafry, Ronny’s court |  Keningau girls register second consecutive victory |  Homes razed, 27 firefighters’ help halt more costly damage | 
 Kadazan Dusun

SONGUHUN DUDUMAGANG DADAH NOPUJULAN KINIOPON BINADI

12th August, 2017

Di NAZRINI BADARUN

TAWAU: Nataan do pulis mogohimu papatazad dadah i abaa id uvang diti kahapas nakabadi napatai songuhu kusai om nakapanaan 17 tuhun ino nopo nga sizam kusai miampai vahu koonduan kiumul 18 gisom 33 toun id Ops Poimbida.

Huguan Pulis Uvang, ACP Fadil Marsus minoboos, kalaja hinuguan disido sondii miampai iso tinimungan puu minananud iso padsakaan kavo Perodua Avanza sinakazan di natandasan kuang hobi jam ko 11.40 totuvong di Tadau Kaapat.

Tumanud disido, songian i natandasan nokopiuman padsakazan pulis, i natandasan kiumul 35 toun dino minaganu haang pinopoidau padsakazan gisom nakagavad id ponong gibang bahazan talun-alun id Talun-alun Cowie bay.

“Ontok pongkimamaan mamagakom tinoodo i natandasan au manaak pisokodungan om minaganu haang tosiou nontodonon do minigogo om i natandasan minaganu haang pinapahabus iso pais poinsisip id tobik gibang om kumininam do monobok pulis.

“Miampai sinodu au okuang iso meter, boogizan pulis pinapabadi induvo id ponong kangkab di natandasan nontodonon di natandasan do naatu om nopujulan kinioon id tampat kinantakan,” ka disido ontok pitimbungakan media.

Minoboos i Fadil, pinomolisaan kopoguhu noihaan kivaa duvo tanda nabadi id boogizan gibang kangkab di natandasan, iso pais miampai duvo kinobusan pinulu nasamanan id tampat kinantakan poindoos di natandasan.

“Pinomolisaan poingonop noihaan i natandasan aiso do MyKad om kivaa iso lisin papanau L id savat ngaan Mattarasah Atta, iso MyKad id ngaan Muin Muhlis i kikotumbazaan gunoon di natandasan,” ka disido.

Minoboos isido pinomolisaan id suang padsakazan di natandasan nasamanan iso bakul plastic otomou kisuang do iso hopot plastic oniting kisuang do dadah kavo syabu kikotumbazaan kivinagat 164.88 gram.

Suvai mantad dino nasamanan nogi ka disido, iso tolifaun piovit-ovit kavo Samsung Note 2, iso samurai kihusob kitukuan 24 inci om iso dango kitukuan 20 inci.

“Pinongintangan kumaa padsakazan di ginunon di natandasan noihaan kivaa ngaan Shahrir Tamring poingizon id Lahad Datu,” ka disido.

Pinongintangan kumaa di natandasan kivaa apat kiis kahasaan nakatahib ino nopo nga duvo kiis minonungod id Penampang di toun 2014 om 2015, iso kiis narkotik id Tawau ontok 2013 om iso kiis kahasaan tavagat tosiou ontok 2014.

Minoboos i Fadil sumusuut mantad kiis dino boogizan disido nga nakapanaan sizam kusai om vahu koonduan id suang apat pinamagakaman di minsusuvab di koniab id siibo Seksyen 39B Akta Dadah Kohigaganan 1952.

Pinamagakanan koiso songuhun koonduan kiumul 20 toun id kakadazan Fajar di kuang hob jam ko 4.15 minsusuvab om pinamagakaman koduvo tohu koonduan om duvo kusai di kuang hobi jam ko 4.34 minsusuvab id iso hamindi Taman Cynthia, Talun-alun Chong Thien Vun.

Montok pamagakaman kotohu nakapanaan onom kusai om tohu koonduan tinoodo asil pinonugkuan id iso restoran Talun-alun Kuhara di kuang hobi jam ko 5.01 minsusuvab.

Pinamagakaman kaapat vagu tinoodo di jam ko 5.07 minsusuvab id iso hamin Taman Dingin, Talun-alun Apas i nakapanaan songuhun kusai om koonduan.

Nagamu nogi iso koumatan pomohopot plastic gunoon montok momohopot dadah id iso louting kadai Tawau Lama, Talun-alun Apas Batu 3.

   
Email Print
   
 
 
E-browse