Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pelbagai acara dipertandingan sempena penutupan Bulan Kemerdekaan SK Lingga Baru |  Jangkauan Seni Budaya Seni Berbahasa pamer bakat asli |  200 peserta Pedalaman Atas sertai Program Kem Diabetes, NBOS6 |  Permainan tekan dada diharam di sekolah |  Guna internet dapatkan maklumat kesihatan warga emas dikaji |  JBPM Labuan akan terus tingkat latihan kesiapsaigaan libatkan pelbagai agensi |  Tiga pemancing selamat berenang ke bagang ikan |  Tiada program E-Kad dilaksana di Sabah |  Peniaga muda perlu diberi sokongan berniaga di bazar |  SRS 1Malaysia mantapkan tahap keselamatan komuniti |  Rozman mahu kekerapan ganguan bekalan elektrik dan air dikurangkan |  Perancis akan bawa Festival Perancis di Sabah April 2018 |  Musa minta ahli Umno semua peringkat kukuh kerjasama |  Remaja dikhuatiri lemas, kereta dihanyut arus lebih 100 meter |  Kematian Ketua Abu Sayyaf diharap tamatkan penculikan | 
 Kadazan Dusun

Id Karnival Kerjaya TVET Sabah ko 11 om ko 12tw diti

11th August, 2017

KOTA KINABALU: Politeknik Kota Kinabalu mananwalai do Karnival Kerjaya TVET Sabah 2017 do ko 11 om ko 12tw diti i pinisokodungan manganjur do Institusi TVET Sabah (Politeknik, Kolej Komuniti om Kolej Vokasional) maya’ kosokodungan Koridor Kopotundaan Sabah (SEDIA) om Koupisan Ginoris Karaja’ Pogun Sabah (JTK).

Kopoimaganan karnival kumointolu diti pohimogonon di Kumoduo Montiri Palajaran Takawas Datuk Dr Mary Yap Kain Ching doid Lintuhun Rafflesia, Politeknik Kota Kinabalu do ko 12tw Kowalu’.

I Potunud Politeknik Kota Kinabalu, Zainab Othman minoboros kopongonjuran karnival duo tadau dilo’ kopogompit do 18 kotinanan kapaampai do Politeknik, Kolej Komuniti om Kolej Vokasional Sabah i po nogi’ kotinanan palajaran om pingludaan teknikal nogi’ vokasional (TVET).

“Karnival diti tantu’ no do kosili kosiwatan bobos tosonong kumaa tongo’ susumikul om nongkopupus kotinanan TVET do maganu kointalangan kokomoi di gunoon do pomorunan om kapabantaan id pakarajaan montok di aiso’ po karaja’,” ka disio id kopointalangan do hiti, konihab.

Lobi 900 kosiwatan pakarajaan pouyuhon di 28 kotinanan mogisusuai pomorunan id karnival diti baino’ om tongo’ susumikul kosuul no nongkopupus TVET om komulakan i kakal mogihum pakarajaan alapon do tumindapou id pituhubungan poingukab i pointonod do jaam ko 8 kosuabon opupusan jaam ko 5 sodopon.

Kumaa di orohian rumikot id pituhubungan, kiguno poposodia’ do biodata om kolulusan akademik, ka di Zainab. Suai ko ilo’, karnival karaja’ diti baino’ kopokito mogisusuai pokiikitanan mantad 50 kotinanan palajaran takawas om pomorunan, suai ko’ ponomborosan om forum karaja’ di mongongobi’ pomorunan i alapon.

“Karnival nopo diti nga’ kosiwatan bobos tosonogn kumaa di tongo’ graduan Politeknik Kota Kinabalu i kopupuupus do graduasi di ko 8tw Kowalu’ di katatalib id Konvokesyen ko-21.

“Kalansanan i tongo’ susumikul om tulun ginumuan kosuul no graduan ngaawi’ maganu kosiwatan miampai tumingan id karnival diti,” ka disio kawagu.

Montok kopointalangan kotilombus kasaga’ rumomut do urusetia i Ir Mohd Azriman Mat Ali toi i Nazlein Mohd. Nawawi doid numbur 088-401 800.

   
Email Print
   
 
 
E-browse