Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pelbagai acara dipertandingan sempena penutupan Bulan Kemerdekaan SK Lingga Baru |  Jangkauan Seni Budaya Seni Berbahasa pamer bakat asli |  200 peserta Pedalaman Atas sertai Program Kem Diabetes, NBOS6 |  Permainan tekan dada diharam di sekolah |  Guna internet dapatkan maklumat kesihatan warga emas dikaji |  JBPM Labuan akan terus tingkat latihan kesiapsaigaan libatkan pelbagai agensi |  Tiga pemancing selamat berenang ke bagang ikan |  Tiada program E-Kad dilaksana di Sabah |  Peniaga muda perlu diberi sokongan berniaga di bazar |  SRS 1Malaysia mantapkan tahap keselamatan komuniti |  Rozman mahu kekerapan ganguan bekalan elektrik dan air dikurangkan |  Perancis akan bawa Festival Perancis di Sabah April 2018 |  Musa minta ahli Umno semua peringkat kukuh kerjasama |  Remaja dikhuatiri lemas, kereta dihanyut arus lebih 100 meter |  Kematian Ketua Abu Sayyaf diharap tamatkan penculikan | 
 Kadazan Dusun

Maqis Labuan minagaau kontena kisuang 11,700kg sada pinokodou

110817-lead-4
Potunud Maqis Labuan Nazrul Azman Mat Rahim minooi intong do sada pinokotoun i nahantoi minagaau. Bernama

11th August, 2017

LABUAN: Koupisan Kotoinaan Kuarantin om Pomolisaan Malaysia (Maqis) nakapagaau iso kontena kisuang 11,700 kilogram (kg) sada pinokodou, kikotumbazaan noudal id lahan aiso kasagaan mantad Vietnam.

Potunud Maqis Labuan Nazrul Azman Mat Rahim minoboos kontena i kisuang sada kompiala kiginumu 2,000kg om sada patin kivinagat 9,700kg kihoogo RM66,600.11 tinaan di jam ko 2.30 minsosodopon di ko 25 Vuhan Kotuu nakatahib id Lolokiton Kapal Vaig Liberty.

“Tumanud pinonoizukan dagai, pongudalan au tuminanud Kootulan ngaavi om Akta Kotoinaan Kuarantin om Pomolisaan Malaysia 2011 (Akta 728),” ka disido kuminaa Bernama kahapas minonoodo pinomolisaan id lolokiton dino id doiti di koniab.

Minoboos isido kontena kitukuan 20 kaki dino nasamanan tumanud pongkimamaan ponohinuan id vavazaan sumuang Lolokiton Kapal Vaig Labuan Liberty.

Ka disido mongungudal au tuminanud kootulan poomit mongudal i nogi kahasaan id siibo Seksyen 11(1) akta dino i adanda au katahib mantad RM100,000 toi ko au hobi mantad onom toun tolungku toi ko duuduvo dino nung kogompit kahasaan.

Minoboos i Nazrul Azman mantad po 2015, kiginumu tuu kiis nosuat miampai onom kiis nouhan id nombo mongudal nokogompit noontok do kompaun.

“Au izikoi miduvo miampai onu nopo kahasaan do mongudal hoohobi no kozo kiis i popoompit do poomit mongudal, monguasa dagai nga manaak pongintangan kumaa kontena i popoopi daging pinokodou halal om au halal do miamung.

“Monongkotohuod izikoi miampai Labuan Liberty Port Management Sdn Bhd (ponoinaan lolokiton kapal vaig Labuan) id pisokodungan togiot di tinaak,” ka disido. Bernama

   
Email Print
   
 
 
E-browse