Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
80 tuminanud pinialaan Sabah Motorcross Challenge 2017 |  Abaabazan MYTV om MOP kapanakadai do komuhakan id habus kakadazan: Kurup |  K'jaan terus sokong penganjuran Pesta Rakit |  Hubungan dua hala China-Malaysia bawa banyak pembangunan kepada Sabah: Liang |  Jerayawara #IDAREYOUChallenge2017 kini di Sabah |  LELAKI PERLU JALANI PEMERIKSAAN PAYUDARA |  World Wide Fund for Nature recognises Ayam Brand as a leader |  Sabah para athletes contribute nine golds |  Sabah out to spoil KL’s party |  Yayasan Inovasi Malaysia, Institute for Development Studies inks Creative Economy MoU |  Illegal immigrants nabbed in 4 areas |  Riverine communities must do more for their rivers |  DBKK seeks out City Friends |  Sabah benefits from strong M’sia-China ties |  Perkhidmatan feri Palawan-Kudat dijangka beroperasi hujung tahun | 
 Kadazan Dusun

Inatangan sasai ru pampasalulaan ra ibot Diwan Pantatalanan Tionghua Tonom 2017-2019

17th July, 2017

TENOM : Ngai’ mamagun ru Tionghua ra Tonom ondo’ nakasimpung ralalom pantatalanan ti kimaitin koson makaguang ra proaktif am migogondo’ guang mabaya’ ra mamagun nasuangan am parinta koson mapasingkot poyo ra Libung Tonom.

Suai raginio mamagun Tionghua niayuk lansanon koson mampasalula’ ra katimpakan baal ru ikunumi takati maya’ ra sonor-sonor ru parinta ralalom mansalinut inatangan pampasingkatan ondo’ inatang soor ra libung Tonom.

Sumugut ra ragu ie YB Radin Malleh ondo’ sangulun Mantiri’ Pampasingkatan Lisar Bandar Sabah am niayuk lalansanon ru Adun N.35 Melalap, kono kasingkatan ondo’ naangun ra orou raiti’ ti iono ampos ru guang miguguum ru ngai’ mamagun nasuangan am pagagapuan kuasa’ mabaya’ ra parinta Barisan Nasional. Suai raginio kono, pagagapuan kuasa’ ti noyo mangani’ ra kaluagan ru ngai’ ulun mulu’ poyo ra mamagun Kina’ koson mabaya’ manungka’ ra pampasingkatan ru pamagunan takau.

Radin mindagu raginio paat nampasuku’ ra ucapan tayar ru inatangan Sasai ru Pampasalulaan ra Ibot Diwan Pantatalanan Tionghua Tonom tayar ru bilor 2017-2019 gili ra minggu’ nakasail ili giu’ ra Diwan DSP Antanom, Tonom.

“Parinta masalok maringkuanang ra sungka’ ru mamagun Kina’ ralalom mapasingkot am ondo’ masalok makaguang ra malangka’ tayar ru atan-atan ayuk kaatangan ondo’ gogoton suguton ru parinta tayar ru kamiaan mamagun nasuangan.

“Kapiratan, kaandaran am kasingkatan ondo’ nasugut ru mamagun Kina’ ralalom mansalinut bidang sosioikunumi mulu’ poyo tayar ru pangingindapuan musiti’ no tiluon ru mamagun bumiputera ra Sabah ti mulu’ poyo ra Tonom ti.” Kono.

Sumugut poyo ra pambilinan nano kono, parinta takau masalok manungka’ am mangkimait ra ngai’ mamagun koson gumagaya’ ralalom bidang ra bokon koson ra ikunumi, pantatalanan, perindustrian, pagigilaan, pagutanaman am runcit. Gitio maatang tayar ru kalayunan ru ikunumi takau ra moonsoi liliwa’ mopogondo’ ra guang takau am kamiaan ru bayag takau sigagama’.

Radin niayuk sangulun Naib Presiden Parti Bersatu Sabah nambala’ ra parinta ra buoi ti masalok komited kapoam gumagaya’ ralalom mampaugar ra sonor-sonor am inatangan-inatangan ondo’ mabuli mampaikang poyo ra pambubukatan takau, suai ra mangkimait poyo ra masuang bansa’ ra bokon ralalom gogot mapasingkot poyo ra pamagunan takati mulu’ poyo ra Sabah am libung takau ra Tonom. Ginio ra mansalinut ralan kapoam inisiatif inalap ralalom mopokoonsoi poyo ra prestasi perkhidmatan kamiaan mamagun takau ra Sabah ondo’ masalok kaatangon ru parinta Barisan Nasional.

Pupus ru bilin nali, nambala’ io ra ngai’ mamagun nasuangan am ondo’ mantatalan ra kakadaian ru Tonom mulu’ poyo ru ngai’ ahli Diwan Perniagaan Tionghua Tonom koson migogondo’ guang mabaya’ ra parinta am mangunguasa’ tempatan, JKDB, JKKK am inan-inan sala’ ka parinta koson magalung ra kapasawan am manalimo ra kamiaan ru intok sigagama’ ra titikop ru kakadaian libung Tonom nga, ginio noyo nokosoroi ra limbawo takau ngai’ am liliwa’ rayus manalimo ra intok takati tayar ru panambuluyan am mainggaluran intor ra mansalinut maruol koson ra denggi am sasabu tu tikus rati.

Minaya’ ra inatangan raginio iono, ie Datuk Seri Panglima T.C Goh, Sangulun Pangurusi Pasisimpungan Kina’ Sabah ondo’ niayuk namparasmi ra Sasai raginio, Ie Madiyem Layapan Pagawai Libung Tonom, Datuk Seri Panglima Gan Sau Wah, sangulun Presiden Sabah United Chinese Chamber of Commerce (SUCCC), ie Ng Kiok Siong, pangurusi’ Diwan Pantatalanan Tionghua Tonom, ie Kapitan Yong Phin Chiang sangulun pangurusi’ Diwan Pantatalanan Tionghua Tonom Sabah, ngai’ AJK am tingganai ru mamagun Kina’ Tonom.

   
Email Print
   
 
 
E-browse