Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Ramai Magahau Zon Semenanjung nakaanu raramit di kounsub |  Kopomiaraan paha’ tantadan kopongingkawas nindopuan mogiigiyon labus kakadayan |  Makanan tradisi cermin identiti, kata Henry |  Zarondin: Sempadan perairan negara sentiasa diawasi |  Program Tugu Budaya Etnik Sabah dinaiktaraf |  International debut for Sabah gymnasts |  World Heart Day 12.5KM Charity Run on Oct 8 |  Over 1,800 to ‘Run For Peace’ in Sandakan |  Magahau festival well received in west Malaysia |  PCA hopes to get new building to meet service expansions |  Missing raw ingredients threaten local food preps |  Tun Juhar pays visit to Danawan Island ops base |  Sambutan Aidilfitri SK Sungai Lada meriah |  Penunggang motosikal maut dalam kemalangan |  PAS Sabah gesa kerajaan henti perkhidmatan syarikat urus bekalan elektrik kontrak di tiga kampung | 
 Kadazan Dusun

Guang ra maikang am guang ra maayo

17th July, 2017

PABUKAN kau guang ra maikang kapoam maratian ra Kesatria ralalom panabitan ra Malayu’ arati’ nano paliso takau ondo’ manangampos ra kaansayan tayar ru ulun bokon. Arati’ ru bokon poyo iono kumuku’ am unggokon ayuk guang sabap mampakaatang ra ulun bokon ka ra inan galama’, baal ragitio noyo mapagon kakaga’ suguton ru ngai’ ulun raino ti. Unggokon guang pai’ ru singonon kumalah kaa’ atan kulaan itakau mampalayun ra rorondo’ baal no rayus sumauk ra mamimio. Polosoon takau ayuk guang ti ra maruol kaa’ malupus raginio masugut takau niayuk baal ra moonsoi. Insan ru mokoondo rasun musiti’ no mokoondo’ babas nano kaa’ mapagon uyumon.

Singonon kumalah tayar kaansayan ru bayag ulun ra bokon intor ra jajajalin. Matutunan takau ra kula’ bagat kulimanin amon kumalah tayar kaansayan am kamiaan bayag ru ulun bokon ti kaa’ pai’ liliani’ ru ginio noyo ralan ra itakau manggal ra ego kapoam kasumbungan ondo’ imamanggain takau ra buoi ti. Pai’ noyo pasalulai’ ego takati ra paat mokoondo’ kapaganan nga ginio noyo mabuli sumauk ra rondo’ makajaka’ toojo ra guang takau ra tauli no.

Kinami’ gapo pakajingit ra paat makakito ra kaansayan ru ulun bokon am kalo mansagulian guang ra paliso takau ondo’ kumalah no nga Rasawat ayuk manginduku’ am mamalos ra kinabanis ru guang takau. Bayag ra mapait am mapagon no pai’ ru mantilayun, rondo’ orou matuum takau niayuk gamis nano am intok ayuk itakau atan kulaan mirot ra ondo’ nailian takali. Sanganuan nano gamis nano kalo maimansa’ takau, am kalo naganda’ koson ra atan ginuang takau. Ra titikop ru tana’ ti masuang ulun nasauk ra ulun mapintar am mapandai kaa’ ulun-ulun mapintar no poyo ati lair pai’ ru matuyu’ ugaran kapoam matimpok. Kaa’ kasaukan nano, ondo’ makapaliso ra motopot am matanda’ ti noyo karaan ra mapintar.

Makaguang ra maayo ti iono mindagu tayar ru paliso ondo’ tumampos mangapu ra atan pana kasaukan am baal mabaya’ ra guang maringkuanang. Naganda’ noyo koson unggokon ayuk guang. Kaa’ kalo niayuk mabuli iowon ayuk ngangai’ baal mulu’ poyo baal ra malaat, ra lakat itakau poyo mabuli magimpong musiti’ kulawon ra mataki’ bagu no kolondo kinibitan ra malaat lumumpa’ ritakau. Itakau niayuk mingkotog mangulau ra rorondo’ kasaukan no maa’ raginio mabuli sumauk ra rondo’ kaansayan tayar ru ulun soor ra liliut takau.

Makapaliso tumampos mangapu ra atan pana baal ondo’ kalo sotopot no masauk ritakau am gitio alapon ra rondo’ igilaan. Paliso ragitio noyo mapagon kakaga’ mokoondo’ ritakau ali ka gitio noyo mampasukor ritakau paat ra itakau makauma’ ra kapaganan. Insan ru makauma’ itakau poyo ra baal-baal mapagon koson ragitio, ginio noyo pupuun ru kasukaran ra itakau manalasai ra atan pana kapaganan ra orou tauli no. Pambaal noyo ra baal-baal moonsoi tayar ru bayag takau am ulun-ulun ra liliut takau. Paringkuanangan.

   
Email Print
   
 
 
E-browse