Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
C130 Hercules tuminubpo do aabpo notoguvang miampai professional, nakatanud SOP |  Kekerapan latihan bolehkan pesawat C130H mendarat dengan selamat |  900 kanak-kanak dirai dalam majlis Mini Konvokesyen 2017 |  Brunei cyclists dominate Century Race |  Ibrahim grinds his way to snooker crown |  Hit and run: Police on manhunt for reckless driver |  Two killed, three injured in two separate accidents |  130 graduates receive scrolls at 4th SIDMA Convocation |  American crowned Miss Scuba International 2017 |  Program pemuliharaan marin, didik m'rakat tentang alam sekitar |  USIA terus perhebat gerakan dakwah |  Muis dan Jheains kerjasama dengan Jakim majukan pusat latihan Jakim di Sabah |  Lapangan Terbang Labuan dibuka semula |  Ocean heroes spreading marine awareness |  Women entrepreneurs urged to use social media | 
 Kadazan Dusun

250 paganakan amu’ songkuro osonong konosipan nakaanu kouhupan

17th July, 2017

Di JOANES ROBERT JOHNNY

KIULU: Soginumu’ 250 paganakan i amu’ songkuro osonong kononosipan i kaampai mantad tongo’ fakir mosikin, tina’ songulunan, tangaanak yatim om tulun amu’ songkuro kohimbogui id posoosorili’ Kiulu, minonorimo kouhupan maya’ abaabayan ‘Jejak Prihatin Kasih Syawal’, di songkonihab.

Abaabayan nayatan pogun i pinaanjur di Islamic Aid Malaysia (IAM) om Etiqa Takaful Berhad dilo’ pinopotikid kouhupan kaampai tongo’ pek taakanon miagal wagas, gula, tumau pogonsok, susu, takanon suang tin om tusin.

Tumanud di Prosidin IAM, i Zawahir Abdullah, abaabayan tounan di kumolimo id pogun diti sotopot nopo momoguno konsep ziarah montok mongintong sondiri’ om momuriman kosusaan om koinggoritan tinimungan nokomoi.

“Maya’ abaabayan diti, koposodia’ po nogi’ iti iso’ platform kumaa tinimungan toi posongulunan toi komponi korporat i opoduli’ montok manahak toluod om miuhup montok mongunsub sunduan kotundunan id nayatan mogiigiyon id pogun diti,” ka disio.

“Iti nopo nga’ i kumoinsan nogi’ pinoindalan id watas Kiulu om okito tokou ogumu’ mogiigiyon kiuagama’ Islam i kaampai mantad tinimungan i amu’ songkuro kikopogonuan,” ka disio ontok abaabayan nokomoi doid Kampung Rangalau Baru, Kiulu.

Minoboros isio dilo’ do id saalom manahak kouhupan, yolo’ i totopot do kosudong no i pikiikiro monorimo waya’ maya’ abaabayan dilo’ amu’ mongintob korotian pulitik.

Nokotindapou po nogi’ i Kumoduo Luguan Bohogian Parti Bersatu Sabah (N11) Kiulu, i Janih Bangud, Monijo Kosolimbahan Rodiu IKIMfm, i Mahathir Shaharuddin om i Luguan Upisor Eksekutif Wilayah Sabah, i Charles Mathew.

Naamot dilo’, i Luguan Upisor Eksekutif Wilayah Sabah, i Charles Mathew minoboros do, toluod i tinahak kuminaa IAM sotopot do sobohogian mantad toluod zakat tounan komponi i pinaramit kotilombus kumaa institusi kotundunan i kosudong id siriba’ abaabayan Tanggungjawab Zakat Korporat Etiqa.

“Alansan yahai da do toluod mantad lobi ogumu’ bohogian montok monguhup tinimungan i momoguno kouhupan,” ka disio.

Kointalangan potilombus toi poguhatan toi isai i mumang do papaatod koponguhupan, milo do rumomut om sumolowot web poinbida’ IAM id www.iam.org.my toi id numbur 03-89485939.

   
Email Print
   
 
 
E-browse