Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Ponuu muvung id Esszone noputan gisom ko 30tv Kotuu |  Tudon kotundaan id siibo JPNIN soihion mahik |  PONOIHIAN MONTOK MONGUKAB MAHIK KOTINANAN PAAI SABAH |  Hampir 1.3 juta penduduk M'sia pembawa talasemia |  Kerajaan cari mekanisma terbaik selesai isu rumah setinggan: Jaujan |  Dakwaan kerajaan beri kewarganegaraan kepada PATI tidak benar: Peter |  JPNIN Labuan catat rekod Kolupis terpanjang di Malaysia |  Mohamad Ariff akan dilantik Speaker Dewan Rakyat: Tun M |  Lembaga Padi Sabah mungkin diwujud semula |  ‘You cannot say I’m 39!’ |  Three Sabahans among 12 for World Squash Championship |  Keningau’s SK Tuarid Taud, Limbang’s SMK Medamit grab top awards |  2,850 turtle eggs seized by marine police |  Squatter problem: Comprehensive approach to be used |  State mulling revival of Padi Board | 
 Kadazan Dusun

3,870 GRAM SYABU NAGAMU, APAT TUHUN TINAAN PULIS

Polis-1__2_
Fadil (id tanga) miampai do upisol narkotik IPD Tawau, pinopokito dadah di nahantoi minamagamu.

17th July, 2017

Di NAZRINI BADARUN

TAWAU: Magamu do pulis doiti soginumu 3,870 gram dadah kavo syabu i kigatang RM260,900 om tinaan tohu mongingindapu om nogi songuhun aiso kalaja kikotumbazaan sindiket kapatazadan dadah, poinsomok do iso hutil id uvang diti, id Ops Bayu.

Minoboos i Huguan Pulis Uvang Tawau, ACP Fadil Marsus, do iso tinimungan puu Boogizan Ponoizukan Kahasaan Narkotik om Strike Team Hongkod Upis Pulis Uvang (IPD) Tawau, i binuu’an di ASP Ederian Masaat, pinapapanau pamagakaman om pamagamuvan.

Tumanud disido, minaganu haang mantad kopoihaan tuhun ginumuan kogompit kapatazadan dadah kavo syabu di tadau Koonom, kiikila jaam ko 10.30 doungosodop, minamagakom songuhun kusai id hivang lobi om minamagakom tohu po vagu kusai i doiho id habus do hutil om id suang kulita.

“Pinomolisaan tinan doid di natantaman koiso, nokito iso kaping kad kunsi taangob hinimput hutil om id pinomolisaan kotihombusan id suang do hutil, nokito om nagamu iso bakul polositik kivotik oitom id suang do lamali.

“Beg polositik toitom diho kisuang apat hinopotan polositik teh Sina kingaan ‘Guanyinwang’ i potitikid iso dino kisuang iso pakit polositik toniting kisuang dadah kavo syabu,” ka disido.

Noboos disido iti di ontok kopoihaan media id IPD Tawau, doiti di koniab. Ka disido, nagamu nogi id pinonugkuan diho o duvo kulita i kikotumbazaan gunoon montok tuduvan kapatazadan dadah, iho nopo nga iso kulita 4X4 kavo Toyota Land Cruiser om Toyota Hilux.

Nahantoi nogi do boogizan pulis pinapapanau minaganu iso kulita kavo Perodua MyVi mantad songuhun di natantaman i soizukon id siibo Akta Dadah Kohigaganan (Perlucut Hak Harta) 1988,” ka disido.

Minoboos i Fadil do apat kusai layat momogun diho om duvo dino nopo miadi i tinaan diho tososondii kiumul 31 gisom 61 toun miampai songuhun mantad Tawau om tohu do suvai mantad Penampang.

Ka disido, savi avi kinoputusan poniisan kohimpupuun do pulis doid savi avi natantaman nopo nga negative om kikotumbazaan do dadah di nagamu diho nopo nga montok padagangon id posoihi do uvang diti.

Id pinombiian likood kahasaan nakatahib, noihaan songuhun di natantaman do kivaa likood kahasaan tavagat komersil dadah di toun 2016, naamot di natantaman suvai aiso do likood kahasaan nakatahib.

“Savi avi di natantaman tinaan reman tuminimpuun di koniab om soizukon id Siibo Sekyen 39B ADB 1952 id nomboo do nung kogompit kahasaan kavasa otuan ukum patazon,” ka vagu disido.

   
Email Print
   
 
 
E-browse