Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

Ramai Kaamatan Raya i tohuri no pinaanjur id Tenghilan norikot kinaramayon

15th July, 2017

Di JOANES ROBERT JOHNNY

TAMPARULI: Ramai Kaamatan Raya i pinaanjur di komitikuasa’ mangaanganjur Kaamatan Raya om Komitikuasa’ Komogoton om Kotingoligan Kampung (JKKK) Kampung Tenghilan doid lintuhun kampung dilo’ norikot rinamai om nakaanu raaramit kounsub.

Tadau Kaamatan om Tadau Tagayo Aidilfitri dilo’ pinaanjur montok mangaramai duo karamaian potilombus id kampung dilo’.

Wokon mantad abaabayan i pinoindalan di kosuabon po ramai dilo’ nopo nga’ pialaan mongungkanit do lugus, pialaan manangon, pialaan tujun, pialaan tinumon doun koubasanan om pialaan takanon doun koubasanan.

Id poompus ramai dilo’, pinoindalan po nogi’ pialaan Sugandoi, posokoton mogisusuai ponit (pakaian beragam), pialaan migayat lukug, papagayo masol tangaanak, om Unduk Ngadau tangaanak.

Naamot dilo’, abaabayan i bobos piandad-andad mogiigiyon nopo nga’ tantu’ nopo pangadangan tikit kinasip i kapaampai ngaawi’ titungkap koimbayat.

Id panambarasan disio, ka di Jahid, rayat kiguno do poposiliu karamiayan Tadau Kaamatan Raya dilo’ sabaagi do laang montok miiso’ ginawo, mogiupakat om momolihu nunu nopo pigogutan nung haro.

Minoboros isio do, maya’ do Kaamatan Raya i pinogiomungan duo ramai diti, sunduan pisompuruan id nayatan mogiigiyon iso-iso’ kampung kaanu do potimporonon sabap hiri no pisuk toi ko’ timpu diolo’ montok mogititimung om mogiuhup sabaagi iso’ tinimungan.

“Kaamatan okon nopo ko’ timpu montok tokou do ongondos toi montok momuhondom di sunduan parai (bambarayon), nga’ montok popogirot piromutan id nayatan tokou ngaawi’, iri no i bobos kiguno, naamot Raya nopo nga’ kaanu tokou do mogisosolowot,” ka disio.

Naamot dilo’, i Ponorikohon Mangaanganjur, i po nogi’ i Molohingon Kampung dilo’, i KK Jowin Gompalid, minongunsikou kuminaa oinsanan bohogian i nakapanahak do toluod montok lobi mangaramai om minamalantoi abaabayan dilo’.

Nokotindapou po nogi’ io Monuunurat Pulitik di Montiri Sains Tiknologi om Inovasi (MOSTI), i Joisin Romut, om i Ponorikohon JKKK Kampung Tenghilan, i Boe Sindolun.

   
Email Print
   
 
 
E-browse