Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
C130 Hercules tuminubpo do aabpo notoguvang miampai professional, nakatanud SOP |  Kekerapan latihan bolehkan pesawat C130H mendarat dengan selamat |  900 kanak-kanak dirai dalam majlis Mini Konvokesyen 2017 |  Brunei cyclists dominate Century Race |  Ibrahim grinds his way to snooker crown |  Hit and run: Police on manhunt for reckless driver |  Two killed, three injured in two separate accidents |  130 graduates receive scrolls at 4th SIDMA Convocation |  American crowned Miss Scuba International 2017 |  Program pemuliharaan marin, didik m'rakat tentang alam sekitar |  USIA terus perhebat gerakan dakwah |  Muis dan Jheains kerjasama dengan Jakim majukan pusat latihan Jakim di Sabah |  Lapangan Terbang Labuan dibuka semula |  Ocean heroes spreading marine awareness |  Women entrepreneurs urged to use social media | 
 Kadazan Dusun

Pasar gantung om 12 kedai notutudan id Tawau

15th July, 2017

TAWAU: Kiginumu 64 mongindapu natagakan sandad tangangazan kahapas lot gerai dioho i papadagang mogisusuvai balang kaampai no kinuama hongon om basaan id Pasar Gantung novuvu id suang kotutudan id Jalan Stephen Tan, id doiti, di kosuvab koniab.

Id suang kinantakan di jam ko 4.41 minsusuvab dino, tapui luminalad miampai osikap gisom nakalalad kumaa hinominon duvo milouting misampaping notodonon 12 bajet nga notutudan.

Ponovohi Huguan Balai Bomba om Manampasi Tawau, Upisl Bomba Takavas 1, Faisal Ahmad. Minoboos mantad ginumu 12 kadai, himo novuvu poimponu dino montok tuu vagu notutudan 50 piatus.

Minoboos isido boogizan disido nokotoimo sogu taabo-abpo di jam ko 4.50 minsusuvab om nokoikot id tampat kinantakan duvo minit kahapas dino miampai 25 puu miampai apat injin.

“Kalaja momisok nokotoguvang kobohingkangan saasabap no do vinakas vaig osiibo id uvang dino om boogizan disido nasansagan minokianu kotuhungan Koupisan Kaganapan Vaig montok papaatod lori tangka vaig poguhui kotutudan naanu minanahob, ka disido ontok nasamanan id tampat kinantakan id doiti, dikoniab.

Minoboos i Faisal, kotutudan naanu minanahob di jam ko 7.23 minsusuvab om nontodonon kotutudan kakal id suang koponoizukan.

Sundung i do ingkaa ka disido, gisom baino aiso kohigaganan kiniopon nosogu id suang kinantakan. Minoboos isido kalaja dino nokotoimo nogi kotuhungan Balai Bomba Kunak, Pulis, Tinimungan Koumohigan Ginumuan Malaysia (APM), RELA, Koupisan Vaig, Kounsol Kakadazan Tawau miampai Sabah Electricity Sdn Bhd (SESB).

Songuhun mantad saksi kinantakan, Alias Alimuddin, minoboos kotutudan nokotimpuun ontok nopo azan misusuvab nokouni di jam ko4.41 minsusuvab.

“Kotutudan nokotimpuun mantad pompod gerai poindoos miampai tansa mosogit kakadazan… nga tapui tuminimpuun mantad ponong tansa mosogit om tuutulus nakalalad kuminaa gerai suvai,” ka disido.

Kotutudan di kosuvab koniab nopo nga kointohu nodii id suang timpu duvo minggu id Tawau kahapas kotutudan id Kampung Hidayat, Batu 4, ontok di ko 1 Vuhan Kotuu nakatahib om id Jalan Tawau Lama, Batu 2, Tadau Koiso nakatahib. Bernama

   
Email Print
   
 
 
E-browse