Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
APMM tahan juragan, rampas 30 tong gas |  ATB 2 siap sedia pastikan keselamatan perairan negara |  Berhati-hati memandu di empat 'hotspot' |  Lori treler bawa Asid Sulfurik terbalik |  Lapan ditahan dalam operasi AADK di Keningau |  Pusat nurseri rumpai laut perlu diwujudkan |  Tenggiling Sunda Sabah kini dilindungi sepenuhnya |  Bekas pengarah Jabatan Air, isteri fail permohonan semakan |  Polis tembak mati penjenayah di Jalan KKIP Sepanggar |  City Express favourite for Chairman’s Cup |  CNY 9-course dinner package at Metropot Bistro & Café |  Feb 20 hearing on RM32 million Water Dept scandal |  Feb 27 hearing for ex State Water director, wife |  Be considerate, don’t hike price, traders told |  Discover New Year’s prosperity through food at Silk Garden Sutera Harbour | 
 Kadazan Dusun

SK Gaulan, SK Ulu Senagan momoguno asrama

15th July, 2017

KENINGAU: Sikul Kabangsaan (SK) Gaulan om SK Ulu Senagang id doiti momoguno asrama dewa montok monguhan susumikul ngaavi dino tumanud sikul, ka di Panakadai Montili Pomutanaman om Pomounan Taakanon Sabah Datuk Sairin Karno.

Minoboos isido miampai kivaa kouhanan asrama dino, nangangazan balajalan susumikul aanu popoinsavat miampai tavavasi miaga i pinokito do susumikul SK Longonggon om SK Pensiangan i kivaa asrama desa.

“Iti pomitanan di kopokito nangangazan di pointunud. Tokou mositi aadang kumaa dioho (susumikul habus kakadazan),” ka disido kuminaa magaganu abal kahapas pinopoimagon Abaabazan Motivasi Mohoingon om Tanak Sikul Toun 6, Klinik Ujian Pencapaian Sekolah Rendah (UPSR) om Kopotunuzan Sakadai Kantung Sikul baazu miampai Yayasan Sabah id doiti, di songkoniab.

Minoboos isido susumikul ngaavi di pinotindooi id lahan kihongkod mazaa asrama desa kaanu panamangan di poinguhud popoompit saviavi boogizan kaampai no taakanon om tiinumon tumanud pinoguhudan, timpu balajal di kotunud miampai panamangan kohidasan.

Naamot dino, Sairin i nogi Huguan UMNO Boogizan Keningau minoboos noikot nodii timpu iso sikul takavas tuidongon id uvang poinsokid miaga do Mukim Senagang montok monguhan susumikul popotihombus balajalan. Tampat montok popobuu sikul takavas dino pinotounda om nung projik dino todoon, kaanu ino mongumpos kuang hobi 1,000 susumikul id suang iso timpu.

“Id uvang diti (Mukim Senagang, kivaa apat sikul kabangsaan di poindoos ino nopo nga SK Gaulan, SK Senagang, SK Ulu Senagang om SK Meninipir. Nung kivaa sikul takavas, susumikul ngaavi peralihan au tagal mooi id kakadazan Keningau,” ka disido.

Kokomoi abaabazan dino, mamason i Sairin mohoingon mooi popoinsavat pongkimamaan monuhung mongingia ngaavi montok mongintong do tanak dioho kaanu kahantazan id suang balajalan.

Sundung tu sikul poimbihiu id habus kakadazan om vookon ginumu mohoingon nopo nga mantad tinimungan mobubuvat di aiso tangangazan, minoboos isido ino okon saasabap montok au manaak balajalan di kouha dino kumaa tanak ngaavi dioho. Bernama

   
Email Print
   
 
 
E-browse