Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
80 tuminanud pinialaan Sabah Motorcross Challenge 2017 |  Abaabazan MYTV om MOP kapanakadai do komuhakan id habus kakadazan: Kurup |  K'jaan terus sokong penganjuran Pesta Rakit |  Hubungan dua hala China-Malaysia bawa banyak pembangunan kepada Sabah: Liang |  Jerayawara #IDAREYOUChallenge2017 kini di Sabah |  LELAKI PERLU JALANI PEMERIKSAAN PAYUDARA |  World Wide Fund for Nature recognises Ayam Brand as a leader |  Sabah para athletes contribute nine golds |  Sabah out to spoil KL’s party |  Yayasan Inovasi Malaysia, Institute for Development Studies inks Creative Economy MoU |  Illegal immigrants nabbed in 4 areas |  Riverine communities must do more for their rivers |  DBKK seeks out City Friends |  Sabah benefits from strong M’sia-China ties |  Perkhidmatan feri Palawan-Kudat dijangka beroperasi hujung tahun | 
 Kadazan Dusun

PAMBALAI MONTOK SUSUMAZAU SABAH I PINAPAVASI NGAAN MALAYSIA ID JERMAN

15th July, 2017

KOTA KINABALU: Voozon Montili Datk Seri Musa Aman ounsikou miampai kinahantazan tinimungan susumazau mantad Sabah i pinapavasi ngaan Malaysia om hoohobi no kozo Sabah id piboian Sazau Sasavaan Pomogunan id Jerman, di kavavagu diti.

Ounsikou isido miampai nangangazan tinimungan susumazan dino i nakahantoi duvo gaa amas ontok piboian dino, montok ahal dino oviton disido kumaa kabinet pogun montok pibaasan.

“Mamason zou kounsikaan om kinaman vagu id piboian di suvai mooi kaanu nodii ogumu kahantazan,” ka disido kuminaa magaganu abal kahapas tuminindapou do Lamai Tosuau Aidilfitri Maktab Sabah id doiti di koniab. Noktoindapou nogi Mohoingon Mongingia Maktad Sabah Datin Nuinda Alias.

Minoboos isido kapanaakan pambalai dino kapanaak pongunsuban kumaa sikul ngaavi di suvai id Sabah montok monuat kahantazan dimiaga.

Ontok di ko 4 Vuhan Kotuu nakatahib, Matinin Sungkin, 17, mantad tinimungan Koisaan Tabilung Sabah Bersatu (Tobisa) i nogi susumikul Sikul Takavas Kabangsaan Taun Gusi, Kota Belud, nakahantoi gaa emas montok abaabazan Junior Solo montok di Adhli Fadhlullah Sa’adilah mantad Maktab Sabah nakahantoi gaa emas montok kategori Senior Solo Modern –Any Style id piboian dino.

Piboian sazau dino naampazat kuang hobi 40 pogun.

“Iti atahang pinopokito do tanak ngaavi dotokou mantad pot oi susumikul toi ko komuhakan tokou kivaa kabaahan, katabazan montok monongkiahi id nazatan pogun Sabah, Malaysia nogi id nazatan pomogunan gisom nakahantoi id suang piboian (sazau) kiningkoton pomogunan diti.

“Ounsikou zou kozo om monuu kozo kahantazan diti. Humansan zou tuhun ngaavi tomuhok diti tuutulus monongkihai id onu nopo piboian nazatan pomogunan. Iti pinopokito tokou layat id Sabah i hansanon Malaysia ogumu toihaan om kovosian kaampai no id boogizan humozou, manali gisom saasau tokou kaanu kahantazan om kaanu numbul koiso,” ka disido.

Tumanud di Musa, layat Sabah pointantu no do saasau kotoodo ngaan id suang mogisusuvai boogizan i tuutulus kopokito do ogumu layat Sabah kitoihaan takavas i kaanu oviton id nazatan nasional om pomogunan.

“Mokianu zu saviavi susumikul mongkimamaa balajal om ontok timpu di miaga kaanu izioho mumpazat abaabazan suvai di koovit kahantazan kumaa dioho, sikul, pogun om Malaysia,” ka disido. Bernama

   
Email Print
   
 
 
E-browse