Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

APMM minagahou 890 katun sogirit soludup kigatang lobi RM87,000

140717-lead-7
OKITO iti puru APMM poinsakai do buut kisuang do mogisusuai pungaran sogirit i naahou.

14th July, 2017

Di NAZRINI BADARUN

TAWAU: Kotinanan Popoimagonkuasa’an Maritim Malaysia (APMM) minagahou do 890 katun sogirit mogisuai pungaran kotumbayaan umbalan monoludup sumuang id watas diti mantad pogun sombol kiikiro jaam ko 11.15 totuong di sodop tadau Kotolu.

I Kumoduo Potunud (Operasi) Watas Maritim 18 Tawau, Leftenan Komander Maritim Ahmad Firdaus Shaari minoboros gatang naahou koinsanai pikiikiro do RM87,300.

Tumanud disio, buut porunda APMM pinopoindalan karaja’ kapanamangan id watas tonggungan nokokito do songinan buut pancung do moninuong om kosuusuayan id doros kowoigan Kampung Titingan Batu 2, Tawau.

“Buut di notondosan pinakaya’an id tisan rahat om i tikung tuminuhun doid rahat minonongkiad do buut nokomoi soira’ nopo do noinsomokan,” ka disio id kopointalangan.

Mantad pinomorisaan doid buut i minomoguno injin sangkut kiginaras 115hp dilo’ talib dino nokokito suang 15 kutak kisuang do sogirit kretek mogisusuai pungaran.

Koinsanai di naahou nowit id jeti Maritim Malaysia DM18 Tawau om pinatahak kuminaa di Upisor Mononoriuk DM18 montok ponoriukan poinggompit miampai kiis dilo’ soriukon tumanud Akta Kositum 1967.

Minongomi potilombus APMM tumilombus popoindalan karaja’ kopoimaganankuasa’an do monoibau koulalaho’ kapanahub undang-undang id kowoigan Tawau.

Nunu-nunu kopointalangan aanu papatahak miampai momoromut kotilombus numbur 089-752115 longkod operasi Maritim Malaysia Tawau toi numbur MERS 999 montok nunu-nunu kaantakab koligogo’.

   
Email Print
   
 
 
E-browse