Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

Sitaf upis watas unsubon monilombus kotorinaan tosonong

140717apdk__5_

14th July, 2017

Di JOANES ROBERT JOHNNY

TAMPARULI: Oinsanan pakakaraja’ Koupisan Watas Tokoro Tamparuli unsubon montok monilombus kotorinaan i kalantoi id saalom manantu’ sistom kopomoromitan kotorinaan porinta’ toriirimo kosigampot standard om kualiti i pinatantu’.

I Lalansanon Kopotundaan Mogiigiyon (PPM) Tamparuli, i Datuk Jahid Jahim, minoboros do, kaanu momonu’ imanon om ekspektasi di tongo’ pelanggan om rayat ngaawi’ i lobi kiguno id saalom potitikid kotorinaan sabaagi do pakakaraja’ id koupisan porinta’.

“Alansan tokou do kalantaiyon kotorinaan i solilinaid diti nowonsoi id nayatan tokou ngaawi’ anu do tilombuson moi do kaanu tokou do modsuupu’ kalantaiyon kotorinaan montok kalantaiyon tinan sondiri’, kotinanan, tinaru om pogun,” ka disio.

Minoboros isio dilo’ ontok minoimagon abaabayan ramai Tadau Tagayo Aidilfitri Koupisan Watas Tokoro Tamparuli, hiti di kawaawagu.

Minamarayou po nogi’ isio kuminaa oinsanan pakakaraja’ porinta’ i solilinaid diti amu’ ababasan do manahak kotorinaan di tosonong kumaa pogun.

“Kounsikahan kumaa oinsanan pakakaraja’ i minogiuhup doid saalom kapatahakan kotorinaan kumaa iso’ rikoton miagal solilinaid diti,” ka disio.

Jahid i po nogi’ Luguan Parti Bersatu Sabah (PBS) Bohogian Tamparuli, minoboros do integriti di takawas nga’ kiguno po nogi’ do potonomon id saalom tinan sompopori moi do potitikid karajaon i numaan poindalano’ toriirimo do poinsumpak id landasan di totopot.

“Ilo’ no ngaawi’ i milo do mongingkawas imej Koupisan Watas Tokoro Tamparuli om oinsanan koupisan porinta’ suai i haro id watas diti,” ka disio.

Pinggisaman kumaa laang transformasi pogun, oinsanan di tongo’ tutumbului mantad tulun ginumuan pinosorou do kotorinaan porinta’ sotopot iso’ komponen kiguno om poporomut id saalom do papadalin visi porinta’ kumaa abaabayan i milo do maan poindalano’.

“Kalantaiyon pinggisaman ngaawi’ id laang transformasi diti poinsumpak id likud tokou ngaawi’ sabaagi puru’ kotorinaan mogiigiyon, amu’ tokou no milo do sumunsuri,” ka disio.

Kopogulu dilo’, i Mongunguhup Upisor Watas (ADO) Tokoro Tamparuli, i Celestinus Lawanding, minoboros do, hontolon kinapaharaan ramai dilo’ nopo nga’ montok monginggirot piromutan doid nayatan pakakaraja’ Koupisan Watas Tamparuli om oinsanan koupisan i haro id watas tokoro’ nokomoi miagal Balai Polis, Kolinik Kolidasan, Koupisan Kotundunan, Koupisan Komulakan om Sipoot om ogumu’ po suai.

“Ramai diti montok manantu’ do aiso’ tulun i poindisanon toi amu’ opoduli’ id saalom mangaramai Tadau Aidlfitri diti,” ka disio.

Nakaampai po nogi’ id saalom abaabayan dilo’ nopo nga’ i tongo’ mongingiyon toi pelatih di Longkod Kopomulingasan Saalom Mogiigiyon (PDK) Tamparuli.

Wokon mantad abaabayan ponuangan id ramai dilo’ nopo nga’ kopomoromitanan tusin raya kuminaa di tongo’ tangaanak id PDK dilo’ om abaabayan momolihis toi Karaoke.

Nokotindapou po nogi’ io Upisor Watas Tuaran, i AM Ibnu AK Baba, Mongunguhup Upisor Watas Tuaran, i Abdullah Sani Hj Daud, i Luguan Watas Tamparuli, i OKK Johnny Tanggar om piipiro po lalansanon mogiigiyon suai.

   
Email Print
   
 
 
E-browse