Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

MODAL INSAN POKIONUON MOOI KAANU MONONGKIAHI ID NAZATAN SOMPOMOGUNAN

140717musa
Musa (poindikau tanga), Potunud Yayasan Sabah, Datuk Sapawi Ahmad (poindikau gibang) om Potunud Balajalan Sabah, Datuk Maimunah Suhaibul (poindikau vanan) minokigambal kaandaman miampai mononoimo ngaavi ABCNS 2017.

14th July, 2017

KOTA KINABALU: Polinta pogun mazaa Yayasan Sabah mimang mongintong hobi ginumu modal insan Sabah i kahantoi i tuutulus dino kaanu monongkiahi id sompomogunan, ka di Vozoon Montili Datuk Seri Musa Aman.

Montok dino, Musa i nogi Ponikoon Kotinanan Mongingia Amanah Yayasan Sabah, minoboos susumikul ngaavi di monoimo sikulasip yayasan dino mositi dumadi sakadazon dino sabaagi pongunsub miampai popoimbuhai hizab montok monoodo hobi ginumu kahantazan id nazatan hobi kinavas.

“Mositi soovon do Malaysia maamaso pougadan kumaa hizab papahantoi Kosimbanan Nasional (TN50). TN50 kadampot koponoinaan om kapapanaai kalaja sohinaid tohu dekad mogovit ikoton kobuuon pogun id fasa di sumusuut dino.

“Pointantu no do pomitanan tuhun kahantoi mogovit ikoton nasional diti nopo nga tanak ngaavi di minomonu auditorim baino diti,” ka disido id Lamai Kopotunuzan Gaa Sikulasip Pogun Sabah Siri ko-28 id Auditorium Tun Ahmad Raffae, Menara Tun Mustapha, id doiti di koniab.

Kiginumu 25 susumikul avasi nangangazan id Sijil Pelajaran Malaysia (SPM) 2016 nokotoimo sikulasip dino. Minoboos i Musa polinta pogun om polinta hongkod mongkimamaa kumaa pongkimamaan popobuu miampai papantod sistom balajalan id Sabah, om tonggungan dino okon ko momouang miampai popoinsavat kosivatan balajalan montok layat no id pogun diti nga nogi maganu tavavagat kualiti balajalan.

“Id suang boogizan diti, popotounda o polinta sakadai tagazo montok kaanu nodii abaabazan boogizan balajalan om kotundaan modal insan id Sabah avasi kapapanaai. Sakadai dino nogi kopitanud miampai angkab om kaandak polinta montok mogovit kobuuon om produktiviti pogun,” ka disido.

Id suang kobuuon kogompit, mamason nogi i Musa saviavi susumikul Sabah montok tomoimo poposoguhu disiplin mantad po toi id nazatan sikul toi ko id univositi montok mongintong dioho momoguno poimponu dino timpu mogium toihaan montok mamajamin timpu dumonto di hobi vinasi.

Pinopoimbuhai nogi isido pamahagaan kumaa mohoingon miampai tinimungan mongingia id kopongiaan, hizab miampai katabazan id suang popoimbuhai tangangazan modal insan kikualiti sabaagi aset kiguno pogun om Malaysia.

Naamot dino, Potunud Yayasan Sabah Datuk Sapawi Ahmad minoboos mantad po gaa sikulasip dino tinaak do polinta pogun kumaa Kumpulan yayasan Sabah ontok 1990, kiginumu 488 tuhun nokotoimo sakadai balajalan dino. Mantad ginumu dino, 345 susumikul nokopupus balajalan ijazah sarjana muda om 25 mantad dioho nakahantoi nakaanu ijazah kelas koiso id suang boogizan dioho, ka disido. Bernama

   
Email Print
   
 
 
E-browse