Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
APMM tahan juragan, rampas 30 tong gas |  ATB 2 siap sedia pastikan keselamatan perairan negara |  Berhati-hati memandu di empat 'hotspot' |  Lori treler bawa Asid Sulfurik terbalik |  Lapan ditahan dalam operasi AADK di Keningau |  Pusat nurseri rumpai laut perlu diwujudkan |  Tenggiling Sunda Sabah kini dilindungi sepenuhnya |  Bekas pengarah Jabatan Air, isteri fail permohonan semakan |  Polis tembak mati penjenayah di Jalan KKIP Sepanggar |  City Express favourite for Chairman’s Cup |  CNY 9-course dinner package at Metropot Bistro & Café |  Feb 20 hearing on RM32 million Water Dept scandal |  Feb 27 hearing for ex State Water director, wife |  Be considerate, don’t hike price, traders told |  Discover New Year’s prosperity through food at Silk Garden Sutera Harbour | 
 Kadazan Dusun

Wong Fook Leong sinili Ponorikohon ALPH Labuan 2017 - 2019

130717-lantikan-6
PURU ALPH .... I Wong (poindikau koduo, gibang), Dr Ismoni (koduo, wanan) om puru kotinanan ALPH i kopipiili’.

13th July, 2017

Di JAINUDIN DJIMIN

LABUAN: I Monunurat Kounsol Mongongobi’ Mogiigiyon (MPP) Subzon 7, Watas Pisompuruan (WP) Labuan i Wong Fook Leong sinili sabaagi Ponorikohon Kotinanan Tutumombului Hospital Labuan (ALPH) timpu 2017-2019.

Isio i po nogi’ puru ALPH pointonod di toun 2008 nakaramit surat kinoposilihan mantad di Potunud Koupisan Kolidasan Pogun WP Labuan i Dr Ismoni Bohari doid iso’ ababayan toniiba’ id upis disio di kaawagu diti.

Naamot dino i Ponorikohon Kotinanan Tutumombului Jiil Labuan, Yeo Lee Choo @ Jocelyn pinili’ sabaagi Monunurat, om i Ponorikohon Komuniti 1Malaysia Zon 18 i Herin Lampisau sabaagi Monobubut.

ALPH i kitonggungan montok monguhup mongingkawas kotorinaan kolidasan rayat suai ko’ popironit piromutan id pialatan susumakit, tulun ginumuan om puru walai pongubatan pinoposili po nogi’ do 22 puru i kapaampai do lalansanon mogiigiyon, pulitik om tinan okon koporintaan (NGO’s).

Yolo’ i sinili sabaagi puru montok timpu 2017-2019 nopo nga’ ii Chong Sin Lui, Law Pao Yeu, Liaw Mee Lan, Tak Kheng Shiang, Chew Chin Hui, Teo Hui Ju, KK Haji Harun Damit, Rahimah Haji Lamat om i Morshidi Juanah.

Pinili’ po nogi’ ii Noor Erney John@Jamil, Datin Dayang Pungut Abdul Jalil, KK Osman Matusin, Hasimah Karim, Edward Wilfred Lajanty, Sheiron Chong, Michael Bininus, Sri Ram A/L Buddati Sannacy, Jeevathas A/L Sargunan, Ronald James Majaieng, Polobia Bolleh@Petronellah om i John Ngalih.

Naamot dino i Dr Ismoni soira’ rinomut minoboros, suai ko’ kitonggungan popigirot piromutan id pialatan walai pongubatan om mogiigiyon, ALPH nga’ kitonggungan po nogi’ do monguhup manahak kopoinalangan kumaa tulun ginumuan kokomoi kogoogonopan om kotorinaan pinosodia’ do walai pongubatan.

“Mantad dilo’, kokitanan om tinonggungan tososonginan walai pongubatan aanu monginsonong om kotorinaan do Kotinanan Tutumombuli pantangon,” ka disio.

   
Email Print
   
 
 
E-browse