Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
80 tuminanud pinialaan Sabah Motorcross Challenge 2017 |  Abaabazan MYTV om MOP kapanakadai do komuhakan id habus kakadazan: Kurup |  K'jaan terus sokong penganjuran Pesta Rakit |  Hubungan dua hala China-Malaysia bawa banyak pembangunan kepada Sabah: Liang |  Jerayawara #IDAREYOUChallenge2017 kini di Sabah |  LELAKI PERLU JALANI PEMERIKSAAN PAYUDARA |  World Wide Fund for Nature recognises Ayam Brand as a leader |  Sabah para athletes contribute nine golds |  Sabah out to spoil KL’s party |  Yayasan Inovasi Malaysia, Institute for Development Studies inks Creative Economy MoU |  Illegal immigrants nabbed in 4 areas |  Riverine communities must do more for their rivers |  DBKK seeks out City Friends |  Sabah benefits from strong M’sia-China ties |  Perkhidmatan feri Palawan-Kudat dijangka beroperasi hujung tahun | 
 Kadazan Dusun

KOPOGOHIMUVAN DO BALANG KOBOHINGKANG MANAHOB

130717-lead-1
Romli (koduvo gibang) ontok nasamanan.

13th July, 2017

Di NAZRINI BADARUN

TAWAU: Ahal kopogohimuvan balang tamangan id uvang diti kobohingkang do tahaban tu ogumu huguan tuhun kinoizonon i humasa momoguno ningkokoton id Pulau Sebatik.

Minoboos dino i Potunud Maritim Uvang, Kpt (M) Romli Mustafa i pinopoiho lahan kalaja kopogohimuvan balang tamangan momoguno do tuhun kinoizonon diti kobohingkang do ihoon.

Ahal dino saasabap no do mogiigizon kinoizonon diti momohi tokuukudi nga miguuguhi om popoompi disido sabaagi do stok poguhui papadagang kumaa pogun sungkad tukad miampai hoogo di takavas.

“Okon ko monondos zou nga iti nopo nga iso lahan kalaja kopogohimuvan balang tamangan ino nopo nga vookon mogiigizon id doiho momohi iso tuung gas cecair petroleum (LPG) gisom intohu sangadau.

“Nung momohi moboos o mogiigizon balang dino montok gunoon sondii sundung tu tuung LPG dino kataan gisom duvo vuhan sundung tu gunoon magansak potitikid tadau,” ka disido ontok nasamanan.

Ka disido, kuasa pibaasan kakal gunoon songian mogiigizon Pulau Sebatik momohi balang tamangan id tokukudi id lahan tuutulus id kakadazan Tawau sundung tu tootopot nopo dino nga au otopot monoodo dino.

“Tootopot nopo mogiigizon Pulis Sebatik au pasagaon momohi balang tamangan tuutulus id Tawau nga mantad pemborong di poinsomok kampung dioho, nga kakal tokou kivaa pibaasan nung tokukudi.

“Om izioho diti saasau nokoiho no haid kokomoi ahal diti saasabap no dino izioho nga au momohi togumu 100 gisom 200 unit saasabap no do nung agakom pointantu no do au miguhi,” ka disido.

Kogompit dino ka disido pomohizan id lahan miguuguhi di saasau todoon do mogiigizon aiso tonggungan adadi vookon nontodonon do balang tamangan ‘kohisang’ kumaa pogun sungkad tukad.

Minoboos i Romli kogumuan kiis mogohimu humabus balang tamangan okon mazaa lahan tikus toi ko lahan di au nokoimagon tu pomohizan au aanu monoodo tumanud do kaandak do okon tuhun momogun.

“Nga songian agakom om soizukon asil dino kopointahang do balang diti noovit sumakai mantad lolokiton Logpon Tanjug Batu, Lolokiton CIQ haid om lolokiton nokolijisto di suvai om kogumuan kotoinaan pongindopuan papanaon id daat,” ka disido.

Nokosoguhu dino ka disido, Agensi Monguasa Maritim Malaysia (APMM) Tawau minonoodo pomolisaan kumaa 1357 mogisusuvai kavo padau mantad Vuhan Koiso gisom Vuhan Kohimo toun diti.

Vookon padau di pinolisa kaampai no padau monginsada kinoizonon, kapal pidagangan/ tangka/ kargo, padau susumakai, padau toidau, padau jongkong, padau kumpit, padau gazaton, padau tutumombuhui, padau layar, padau rekreasi om padau lampu.

   
Email Print
   
 
 
E-browse