Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Tuhun mogigizon tumongob vaig bavang nozomutan |  Polinta pokionuon maganu haang id koponguhanan kobohingkangan vaig |  Penduduk bimbang Sungai Sepulut tercemar |  KPLB Sabah kemuka syor pelaksanaan elektrik, air alternatif untuk luar bandar |  Pan Borneo di Sabah tidak jejaskan hutan simpan: KM |  Nestlé kicks off first Super Brand Day campaign with Shopee |  Fight for honours – Jake |  Tawau water production drops by 50 per cent |  PBH project now under government |  ‘Follow terms to avoid termination’ |  SASA short-lists 22 swimmers for Sukma |  SNB 2.0 Pertisa raikan artis tempatan pelbagai etnik |  Polinta manaak ningkokoton pisokodungan id suang ponoinaan sandad posoihi |  Pan Borneo id Sabah au kopogompit pias pinoopi |  UMS tingkat kemasukan pelajar bidang sains dan teknologi | 
 Kadazan Dusun

PAPAPANAU MOTUSAIKOL NOPUJULAN KINIOPON NOKOLUMPAK DO TEKSI

100717-_lead-7__tutup_no_plat_
NOTIMUOK...Van do noikot noumbak id boogizan doguhu di kahapas nokolumpak miampai lori tangki.

10th July, 2017

Di NAZRINI BADARUN nazrini@newsabahtimes.com.my

TAWAU: Songuhun kusai nopujulan kiniopon di kahapas motusaikol di pinapanau disido nokopilumpak miampai do teksi id dumbangan do iso sikul pangan takavas id Lahan Merotai, di tadau Koonom.

Id kinaantakan di kiikila jaam ko 7.20 doungosodop diho, munggui i nopujulan kiniopon nointutunan do i Sapri Siddi, 24, kaban pobuzuan suat (alamat) Kg, Sungai Imam.

Minoboos i Huguan Pulis Uvang Tawau, ACP Fadil Marsus, do id pinonoizukan kohimpupuun id hivang kinaantakan, noihaan o kinohigaganan dino naantakan nontodonon kinalag di papapanau motusaikol.

“Teksi i pinapanau mantad ponong Kakadazan Tawau, pakaazan id Bombalai, om songian koikot id hivang kinaantakan, mononoguhu o motusaikol do kulita id doguhu dino om suminuang id vazaan do teksi i nakasabap nokolumpak do teksi dino,” ka disido.

Noindamaan nosinduahan o papapanau motusaikol dino om noimagon minidu pogun di ontok maso usapon id wad taabpo do Hamin Pongusapan Tawau, naamot do papapanau teksi dino nopo nga aiso nuununu kinosinduahan. Naamot diho, id kiis suvai, tohu nosinduahan taga’an kaampai no papapanau do van om naamot do tuu di suvai noumohig di kahapas o van do krew Borneo Rumble Kids, nokolumpak do lori tangka id KM27 Lahan Apas, di kiikila jaam ko 9.50 doungosuab koniab.

Munggui i nosinduahan nointutunan sabaagi do i Wong Pei Yin, 21 (papapanau do van), Gabbie Chong Xiao Thong, 20 (poinsakai id doguhu) om i Steve Sc Aaron P. Kok, 25 (poinsakai id douvi).

Minoboos i Fadil do id pinonoizukan kohimpupuun id hivang kinaantakan noihaan o kinohigaganan dino naantakan nontodonon kinalag dolivol do lori tangka i pinopohivos lahan mantad lahan ponong vanan miampai au minanaak lahan kumaa doid kulita di minikot humusak.

“Ontok koikot id hivang kinaantakan, di maso o van dino maapanau id ponong vanan, sakahi iso lori tangka id doguhu i id ponong gibang, suminuang id ponong vanan.

“Nivad di papapanau van kuminaa gibang nga nokolumpak nogi do lori dino id boogizan douvo ponong gibang i nakasabao do van nokomoi nabahik om nokobundus id disan lahan ponong gibang,” ka disido.

Aiso nuununu kinosinduahan di dolivol lori tangki om ponoizukan pinotihombus id siibo Seksyen 43(1) Akta Padsakazan Lahan (APJ) 1987.

   
Email Print
   
 
 
E-browse