Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

Kopolintaan mongumbasi 30 hamin monginginsada id Kg. Pulau Nunuyan

Musa_nunuyan1

19th June, 2017

SANDAKAN: Soginumu 30 hamin monginginsada id Kampung Pulau Nunuyan, somok doiti, do umbosian montok mongiho kozo do mogiigizon dino poingizon id koozuvo do aandang.

Pinopoboos i Vozoon Montili Sabah, Datuk Seri Musa Aman do ahal diho di ontok Abaabazan Kapataakan Sakadai Zakat Ramadan kuminaa doid 1,385 mogiigizon id pulou nokomoi, di koniab.

Minoboos isido noohu hamin di momoguno pongumbasian id pulou nokomoi poonjulon ahapas po i 30 hamin di maan umbosai diho do opongo.

“Iti no lahan dotokou monguhan kobohingkaangan do layat i pinobuzu kuminaa buuan maza abaabazan mindau id gana mokinongou kobohingkaangan do layat.

“Iti nga pinggisoman nogi do kopolintaan i buuan do Barisan Nasional (BN) i tomoimo koiho om asabi kumaa kopokianuan do layat,” ka disido.

Suvai diho, minoboos nogi i Musa do pongoputan paip vaig duvou daat kumaa pulou diho om panaakan lotilik do posikapon montok monumbozo kopokianuan impoon do mogiigizon.

Ka disido, montok popooput paip vaig id duvou daat mantad uvang Sandakan kumaa pulou nokomoi, kopolintaan pogun minogovit ahal diho kuminaa do Komontilian Kobuuon Habus Kakadazan om Uvang montok posikapon.

Kampung Pulau Nunuyan id kinoizonon 20 minit pamanaan sumakai padau mantad Kakadazan Sandakan, om kivaa 1,300 tuhun mogiigizon i kogumuan dino pakalaja sabaagi monginginsada miampai ginumu hamin soginumu 164.

Di poguhui diho, id pason di Huguan Hongkod Uvang Mongundi Kampung Pulau Nunuyan, Gapor Daud, minokianu do kopolintaan mongumbasi piipio hamin do mogiigizon id kampung nokomoi i mokianu do pongumbasian.

Minoboos isido do kogumuan hamin nokomoi sanganu do monginginsada i ontodonon kaanuan au atantu tu mozo kumaa asil daat.

   
Email Print
   
 
 
E-browse