Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

Mohoingon Kampung mositi ouhi, ouhuduk manakadai monguhan kobohingkaangan do layat

19th June, 2017

Di JAINUDIN DJIMIN

LABUAN: Puu Parlimen Labuan Datuk Rozman Isli, pinoposoou do Mohoingon Kampung ngaavi mooi do kaanu papapanau tonggungan miampai noponu pimpaagatan, ouhi, ohuduk do monguhud om manakadai monguhan kobohingkaangan do layat.

Ka disido, Mohoingon Kampung okon ko kitonggungan noopo sabaagi monguhud kampung maza Kotinanan Kobuuon om Koumohigan Kampung (JKKK) nga nadadi pinuobo do polinta doid pongihaan nontodonon kobohingkaangan do layat.

“Mantad diho, kopolintaan miampai aiso topiumanan ababasan do tomoimo monuu kumaa Mohoingon Kampung ngaavi mooi do tomoimo manaak kotoinaan tavasi kozo tumanud kosimbanon timpu,” ka disido.

Noboos disido iti di ontok pinopohombus pason id Abaabazan Kapataakan Watikah Mohoingon Kampung ngaavi om sakadai ponoinaan monguhud kampung nazatan Tana Pisompuuvan Labuan, id Hotel Bilion Waterfront, doiti di tadau Koonom.

Id abaabazan nokomoi, sangavian di 27 Mohoingon Kampung i nopupusan timpu di ontok ko 30 vuhan Kohimo nakatahib, nokotoimo suat pamadadizan toi watikah pongoputan gisom ko 31 vuhan Koopod om Duvo 2017.

Rozman, isido ponogi i Poniikon Kotinanan Labuan, minoboos do pongoputak sabaagi Mohoingon Kampung mantad di Montili Tana Pisompuuvan, Datuk Seri Utama Tengku Adnan Tengku Mansor, sabaagi pamagatangan om kopomoiganan do Mohoingon Kampung ngaavi i tuminoina miampai avasi kozo doid kapamahantazan impoon polinta kumaa doid tuhun mogiigizon id sunsud.

Ontok ponogi fiho, Rozman, isido ponogi i Huguan UMNO Boogizan Labuan, kumaandak do Mohoingon Kampung ngaavi do miigit bahazan sangavian do Tinan Hahansanon Mogiigizon (MPP) do papaanjul abaabazan doun mogiigizon id pulou diti.

Potindapou nogi ontok abaabazan nokomoi i Huguan Upisol Eksekutif Kotinanan Labuan, Azhar Ahmad, Kumoduvo Huguan Upisol Eksekutif (kotundaan) Kotinanan Labuan i Zamri Mohd Isa, Kumoduvo Huguan Upisol Eksekutif (Kakadazan) Kotinanan Labuan i Haji Rithuan Haji Ismail om i Kumoduvo Huguan Upisol Eksekutif (Ponguhudan Kotinanan Labuan i Fadilah Haji Mahmud.

   
Email Print
   
 
 
E-browse