Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Patuh prosedur kuarantin sebelum bawa masuk tumbuhan ke Sabah |  Dancing tourists at mosque – ministry weighs in |  SATTA to investigate viral video |  Ban by Likas mosque; no thanks to China tourists |  ‘Mixed blend of hulksters’ |  Brilliant Sabah U-19 squad notch up full points |  16-year-old Jessica shines again |  Deadly pest threat |  Kotinanan ngaavi kohigkangan natagan sumikap lijistol, monginvagu lisin: Yeo |  Tonudo prosedur kuarantin poguhui mogovit sumuang kavo poinsuni: Junz Wong |  Tutumombuhui tagahon naamot timpu momiombo id Mosogit Kakadazan Tagazo Kota Kinabalu |  KPLB papavakas Abaabazan Ekonomi Desa id Kadamaian |  Kebajikan, keselesaan rakan jadi keutamaan kerajaan baharu: Dr Daud |  Pelancong dilarang masuk melawat masjid untuk sementara waktu |  APM buka Pejabat Unit Pertahanan Awam di Pulau Sebatik | 
 Kadazan Dusun

TUHUN ISLAM NATAGAN MONONGKI’AAU KOSIVATAN ID VUHAN RAMADAN

19th June, 2017

Di ROZZALIN HASHIM rozzalin@newsabahtimes.com.my

SANDAKAN: Tuhun ngaavi Islam natagan do monongki’aau kosivatan id vuhan Ramadan i noponu balakat miampai monumbozo amal ibadah miaga do monohuod montok manakadai do tinimungan di momoguno sakadai.

Minoboos i Vozoon Montili Sabah, Datuk Seri Musa Aman do papapanau koimaan tohuduk diti mamatos tataba pahala di mihopi ginumu kumaa doid songuhun tuhun nunu po vagu do Islam i mongunsub do tuhun dau do tomoimo manakadai doid tiso om tiso.

Ka disido, kosivatan di kikounalan okon noopo ko kaanu manakadai monginggaan simbagat do tinimungan kogompit nga kohobizanan dino popoinsomok kagos pihumaagan om pisompuuvan doid sangavian tuhun.

“Nadadi koubasanan kumaa dotokou, iho nopo nga UMNO Sabah i tomoimo mindau id gana id vuhan Ramadan diti miampai kahansanan manakadai monginggaan simbagat do layat i au songkuo koimauan do monoguvang ibadah puasa.

“Suvai ko mamantod po vagu do pihumaagan om pilotian id sangavian tuhun miampai sumoomo do layat om susuutonon mongukab puasa sangavian.

“Iti no hizab om tuduvan dotokou i mikot nopo nga sababaa montok manakadai mooi o simbagat otoguvang dioho aanu koingkudi id timpu panaandakan diti,” ka disido.

Noboos disido iti di ontok pinopohombus pason id Abaabazan Kapataakan Sakadai Zakar Ramadan id Mosogit Datuk Haji Pengiran Galpam, Batu 7, somok doiti di koniab.

Potindapou nogi i Panakadai Montili Kopolintaan Kinoizonon om Pomuhaminan, i ponogi Puu Hintuun Koundangan Pogun (Adun) Gum-Gum, Datuk Zakaria Mohd Edris, Puu Parlimen Libaran i Datuk Juslie Ajirol, Potunud JASA Sabah i Ustaz Haji Abdul Manap Lakariba, Kumoduvo Polosidin Kounsol Kakadazan Sandakan (MPS) i Haji Mohd Hamsan Awang Supain om i Poniikon Mosogit nokomoi i Datuk Haji Pg. Abdul Rahmad Pg. Mohd Galpam om nogi Huguan Laan UMNO Batu Putih Darat, i sabaagi mangazu abaabazan, Haji Hanif Ali Abd Rashid.

Id abaabazan kapataakan diho pinopokito do kuang hobi 1,300 tuhun mononoimo i mantad do tinimugan fakir mosikin, tuhun mohoing, tina osonguhunan, OKU om izioho i momoguno sakadai. Sakadai diho id kavo usin om nogi sompolositik vagas.

Id komi kotihombusan, Musa, isido ponogi i ADUN Sungai Sibuga, om Huguan UMNO Boogizan Libaran, monongkotohuod tu abaabazan mindau id gana id vuhan Ramadan diti manaak kosivatan kumaa disido montok sumoomo om papataak sakadai.

Ka disido, sundung tu sakadai di pinobuzu do au songkuo nga kounalan dino agazo kozo mantad ahal popionit piinsomokan pisompuuvan di hobi giniot id tatanga do tuhun Islam.

“ID kosivatan diti mamason zou do nogi do kounsikaan kumaa di Datuk Haji Pg Abdul Rahman tu minonguhud miampai avasi do mosogit i noikot giningo diti.

“Alhamdulillah, mosogit diti nga notindapou nogi do kuang hobi 1,000 tuhun i sumambayang solat terawih id po’ompus vuhan Ramadan,” ka disido.

Ontok ponogi diho, pinopoboos isido do kopoobian soginumu RM50,000 kumaa do Mosogit Datuk Haji Pengiran Galpam montok panakadai do boogizan mosogit doid pomo’uangan vinasi nunu noopo kaganapan toi ko koumatan di poinsandad montok kounalan do jemaah ngaavi.

   
Email Print
   
 
 
E-browse