Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

90 tuhun kitoluo id hamin pongusapan Keningau nokotoimo sakadai

17th June, 2017

Di RIZALMI LIMAN

KENINGAU: Kiginumu 90 tuhun kitoluo id Wad Hamin Pongusapan Keningau nokotoimo sakadai taakanon om usin mantad tohu tinan Koisaan Okon Polinta (NGO) di kavavagu diti.

Ponikoon Mangazu Sarifah Bidin minoboos, angkab kapanadaan abaabazan kotombuhuzan koponuhungan dino nopo nga montok popogiot koulalaho kosianan mogiigizon kumaa kitoluo id hamin pongusapan om au kaanu papanau do ibadah puasa saasabap no do au ohidas id vuhan Ramadan diti hoohobi no kozo kumaa kitoluo kiugama Islam.

“Suvai mantad dino nogi montok manaak hizab kumaa dioho mooi tuutulus kotoboi om kihizab id suang tumoguvang kobohingkangan di notoguvang dioho,” ka disido ontok nasamanan magaganu abal id hivang Hamin Pongusapan Keningau.

Minoboos isido vookon di nokotoimo sakadai nopo nga mantad dioho kitoluo totuo om tanak.

Ka vagu disido, iti nopo nga abaabazan tagazo montok dioho tu nakahantoi pinopiamung tohu tinan NGO misokodung id suang papanau iso abaabazan kotombuhuzan koponuhungan di Hamin Pongusapan Keningau diti.

Vookon NGO di nokogompit id suang abaabazan dino nopo nga Koisaan Mohoing Tondu Osonguhunan uvang Keningau om Tenom Sabah (IBU TERATAI), Koisaan Kopolitif Mongindapu Koonduan Niaga Keningau Berhad (KUSWANI) om Koisaan Wiranita Perkasa Parlimen Keingaun (WIRANITA).

Nokotindapou nogi Puu Dewan Takavas (ADT) Kumoduvo Yang Dipertua PERKASA Pogun Sabah Jeffrus Rijan, Upisol Kopolitif Wilayah Keningau Anthony Ungkir Dee om Ponikoon ngaavi tinan NGO.

   
Email Print
   
 
 
E-browse