Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Spektra Selasih terbit karya sulung, 'Jibam' |  TRUMS anjur Program Kepimpinan Global |  Perayaan Krismas KK bermula kelmarin hingga Khamis |  43 keluarga Kampung Bomboi terima bantuan tangki air |  Pekerja ladang didenda RM20 ribu, cuba sogok penguat kuasa |  Hampir 3,000 penyata GST-03 belum diserah |  Empat pemancing diselamatkan APMM selepas 20 jam hanyut |  Keningau maintain charge |  KK exponents dominate karate |  Zachary wins third archery gold |  ONCAMPUS Hull offers pathway to higher education |  Young foreigner jailed for possessing other’s MyKad |  Cabbies and e-hailing service drivers unaware of scheme |  Pray for a better and safer KK, SCC president Bishop Melter asks Christians |  YES contributes RM150,000 towards KK Christmas carnival | 
 Kadazan Dusun

Poniisan koduo ‘Punya Sadap Sabah Talent’ do jaam ko 7 totuong baino’ id KDCA

Sadap

16th June, 2017

Di JOANES ROBERT JOHNNY

PONIISAN toi ‘uji bakat’ kumoinduo do ‘Punya Sadap Sabah Talent 2017’ (PSST 2017) maan pohoroo’ do sodopon baino’, id Lintuhun Hongkod Koisaan KDCA, Penampang potimpuun do jam 7 totuong gisom do jam ko 10 totuong.

Kumaa i amu’ kikosiwatan do tuminanud uji bakat di kumoiso’ di nakatalib, alapon montok tumanud bohogian koduo diti montok magahau kosiwatan do kalantoi tutungkap poinbida’ kigatang RM10,000.

Sabaagi do kopoilaan, PSST 2017 i numaan poonjuro’ di D’Angels Event miampai koponguhupan D’Angels Music Academy om Atukoi FM sabaagi rodiu poinbida’ om Millenium Video Production sabaagi do mananakadai poinbida’ live streaming monorimo nunu nopo kaba’alon i umbalan do popoimbulai.

I Luguan Upisor Eksekutif Atukoi FM, i Andrew Impungon toi i nointutunan sabaagi i Othoe, pinopoilo do, abaabayan dilo’ amu’ mintutun kumaa komimilaan do modsinding tomod nga’ nunu nopo ponit komimilaan suai i kaanu do mongimbayat ginawo mangaangadil.

“Iti okon ko’ pialaan karaoke, nga’ nung kaanu kou do momonsoi pisuaiyon miagal suminding naamot do momonsoi aksi gimnastik, momonsoi silap mata toi nunu nopo, pikiikiro doti do yokou no i ihumon dahai,” ka disio kaagu. Suai mantad di, minanahak po nogi’ i Othoe do bayangan kumaa hombo-hombo i mumbal do popoungkaya’ kaba’alon manari’ ponit ponorian i bobos kosuaiyan om amu’ po insan do okito nga’ milo po nogi’ do posilihon sabaagi iso’ koimbayatan kumaa mangangadil om miontong.

“Kada’ tokou rubato’ nunu nopo komimilaan toi bakat i haro toi i pasanganu tokou, i opurimanan dokou do kigatang RM10 Ribu, isai koilo tokou no i tihumon dahai,” ka di Othoe.

Yuran kotonudan montok tumanud pialaan dilo’ nopo nga’ RM100 (bohogian Solo) om RM250 (tinimungan). Montok i orohian do tumanud milo do monuang borang maya’ do online doid http://atukoifm.com/inde…/punya-sadap-sabah-talent-season-1/.

Kopomorojistoran dilo’ pikiikiro do maan sompono’ baino’ (15tw Koonom 2017, kiikiro do jam ko 4 sodopon.

   
Email Print
   
 
 
E-browse